Мексикада 7,1 балдық жер сілкінісі болып, салдарынан шамамен 1,6 миллион адам электр жарығынсыз қалды, деп хабарлайды Inbusiness.kz РИА Новости агенттігіне сілтеме жасап.
Зардап шеккен аймақтар – Мехико қаласы мен Мехико, Герреро, Морелос және Оаксак штаттары. Электр энергиясын тұтынушылардың шамамен 13%-і қазір жарықсыз отыр. Жергілікті мамандар электрмен жабдықтау жүйесін қалпына келтіру жұмыстарын жүргізіп жатыр.
7,1 балдық жер сілкінісі 7 қыркүйек күні Мексиканың оңтүстік-батысында Герреро штатында болды. Алдын ала мәлімет бойынша, апаттан бір адам қаза тапты.
14 тамызда Гаити жағалауында 7,2 балдық жер сілкінісі тіркелген еді. Жер дүмпулерінің эпицентрі Пети-Тру-де-Нип елді мекенінен солтүстікке қарай сегіз шақырым жерде, ал оның ошағы он шақырым тереңдікте анықталды.
Табиғат Нұрболат
