Оқиғаға қатысты Жетісу облыстық полиция департаменті де, Көксу аудандық білім бөлімі де пікір білдірді, деп хабарлайды inbusiness.kz сайты.
Ведомствоның мәліметінше, 2025 жылдың 30 желтоқсанында 9 педагог директордың әрекеттеріне байланысты арыз түсірген.
– Аталған арыз 2026 жылғы 5 қаңтарда Көксу ауданы бойынша полиция бөліміне жолданды. Қазіргі уақытта осы өтініш бойынша заңнама талаптарына сәйкес тергеу амалдары жүргізілуде. Тергеу әрекеттерінің жүргізілуіне байланысты Көксу ауданы бойынша білім бөлімі тарапынан 2026 жылғы 5 қаңтардағы бұйрықпен мектеп директорының қызметтік міндеттерін уақытша атқаруын шектеу шаралары қолданылды, – делінген хабарламада.
Мектеп директорының әріптестерінен қарызға ақша алып, оны букмекерлік кеңселерде ұтыс ойындарына салғаны жайлы деректер бар. Әзірге келтірілген материалдық шығын көлемі шамамен – 9 миллион теңге. Десе де, нақты жәбірленушілер саны бұдан да көп болуы ықтимал.
