Білім және ғылым министрлігі Мектепке дейінгі және орта білім комитетінің төрайымы Майра Мелдебекова коронавирустік пандемияға байланысты 1 қыркүйекте мектепке баратын балалардың сынып бөлмесінде әлеуметтік арақашықтықты сақтау мәселесіне қатысты пікірін білдірді.
"Алдағы оқу жылының бірінші тоқсанында коронавирустік ахуал қалай болатынын білмейміз. Әзірге бұрынғыдай дәстүрлі түрде оқытуды жоспарлап отырмыз", – деп мәлім етті комитет төрайымы.
Сонымен қатар, Майра Мелдебекова сыныптардың толымы туралы да айтып өтті. Ережеге сәйкес, сыныптағы бала саны 25-тен көп болмауы керек. Алайда біздегі мектептерде оқушылар көп болып, белгіленген нормадан асып жатады. БҒМ өкілінің сөзінше, бұл мәселені кезең-кезеңмен жергілікті атқарушы органдар шешуге тиіс.
Нұржан Көшкін
