Маманның сөзінше, проблеманың төркіні балалардың мамандық таңдауына жағдай жасай алмайтын мектептерде жатыр. Оқушылар тек сабақпен шектеліп, өмірге қажетті дағдыларды меңгере алмайды. Сондықтан балаларды мектептен кейінгі өмірге бейімдеу керек.
Осы орайда, сарапшы профориентацияны үш бағыт бойынша жүргізуге кеңес береді. Ең алдымен, баланы өмір бойы, үздіксіз оқуға үйрету. Екінші мәселе, оқушылар өндіріске апару. Экскурсия өткізіп, өндірістегі мамандармен бетпе-бет кездесу ұйымдастыру. Үшінші мәселе, дұрыс коммуникация құруды үйрету.
Көп жағдайда балалар ақпараттың жетіспеуінен өзіне ұнайтын мамандықты таба алмай, уақытын өткізіп алады.
Айта кетейік, "ЖОО фест" шарасы жоғарғы сынып оқушыларын ҰБТ-ға дайындау және кәсіби бағдар беру мақсатында өтті. Шараға мыңға жуық ақтаулық оқушы қатысты.
