/img/tv1.svg
RU KZ
Мемлекет басшысы Алматының Индустриялық аймағында болды

Мемлекет басшысы Алматының Индустриялық аймағында болды

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді.  

25 Қыркүйек 2020 15:58 228

Мемлекет басшысы Алматының Индустриялық аймағында болды

Мемлекет басшысы Қасым-Жомарт Тоқаев Алматыға жасаған жұмыс сапары аясында қаланың Индустриялық аймағында орналасқан энергия үнемдейтін сәулеттік қасбеттер шығаратын зауыт - «КСМ Техновид» ЖШС-ның жұмысымен танысты, деп хабарлайды Ақорда.

Мұнда 250-ден астам адам жұмыс істейді. Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ Мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

Мемлекет басшысы Арменияға жұмыс сапармен барды

ҚР Президенті Қасым-Жомарт Тоқаев Ереванда Жоғары ЕЭК отырысына қатысады.

30 Қыркүйек 2019 21:51 637

ҚР Президенті Қасым-Жомарт Тоқаев Жоғары Еуразиялық экономикалық кеңестің отырысына қатысу үшін Арменияға келді, деп хабарлайды Президенттің баспасөз хатшысы Берік Уәли.

«Қасым-Жомарт Тоқаев Жоғары Еуразиялық экономикалық кеңестің отырысына қатысу үшін Ереван қаласына (Армения Республикасы) келді. Мемлекет басшылары жиын барысында Еуразиялық экономикалық одақ аясындағы мемлекетаралық ынтымақтастықтың өзекті мәселелерін талқылайды. Сонымен қатар, Қазақстан Президенті бірқатар екіжақты кездесулер өткізуді жоспарлап отыр», – деп мәлім етті Президенттің баспасөз хатшысы Берік Уәли.

Мемлекет басшысы Жак Атталиді қабылдады

Жак Аттали белгілі француз саясаткері әрі «Attali and Associés» ассоциациясының президенті болып саналады.

21 Қыркүйек 2019 15:46 621

Кездесу барысында халықаралық күн тәртібіндегі өзекті мәселелер, Еуропа елдерінің Орталық Азиямен өзара іс-қимылдары, сондай-ақ Қазақстандағы әлеуметтік-экономикалық жаңғырулардың ілгерілеуі талқыланды, деп хабарлайды Ақорда.

Француз саясаткері, Еуропалық қайта құру және даму банкінің негізін қалаушы әрі тұңғыш басшысы Жак Аттали Президент Қасым-Жомарт Тоқаевқа кездесу үшін алғысын білдіріп, қазіргі құбылмалы әлемдегі күрделі ахуалда Қазақстан тұрақтылық пен орнықты дамуды сақтап отырғанын атап өтті.

Мемлекет басшысы Қазақстанның басқа елдермен қарым-қатынасында әрқашан бейбітшіл саясат ұстанатынына, өзара тиімді ынтымақтастық пен серіктестікке ашық екеніне, сондай-ақ шетелдік капиталды тартып, инвестициялық ахуалды жақсарту үшін белсенді жұмыс жүргізіп отырғанына баса мән берді.