Елбасы Нұрсұлтан Назарбаев Танта және Александрия қалаларындағы терактілерге байланысты Мысыр Араб Республикасының президенті Әбдел Фаттах Ас-Сисиге көңіл айту жеделхатын жолдады, деп хабарлайды Ақорданың баспасөз қызметі.
Мемлекет басшысы Мысырдың қос қаласындағы православ шіркеулерінде болған лаңкестік жарылыс салдарынан адамдардың қаза тапқандығы туралы хабарды зор күйзеліспен қабылдады.
"Қаза болғандардың туыстары мен жақындарына барша Қазақстан халқының және жеке өзімнің атымнан көңіл айтып, қайғыларыңызға ортақтасамын", – деп жазылған жеделхатта.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
