/img/tv1.svg
RU KZ
Мемлекет басшысы Ли Чжаньшуды қабылдады

Мемлекет басшысы Ли Чжаньшуды қабылдады

Кездесуде қазақ-қытай  жан-жақты стратегиялық  ынтымақтастығының қазіргі жағдайы мен  даму перспективалары сөз болды.

22 Қыркүйек 2019 14:19 681

Мемлекет басшысы Ли Чжаньшуды қабылдады

Мемлекет басшысы ҚХР Бүкілқытайлық халық өкілдері жиналысы Тұрақты комитетінің төрағасы Ли Чжаньшумен кездесті, деп хабарлайды Ақорда.

Кездесу барысында Қазақстан Президенті Қасым-Жомарт Тоқаевтың биылғы 11-12  қыркүйекте Қытайға барған алғашқы мемлекеттік сапарының қорытындылары мен жасалған келісімдері талқыланды.

Ли Чжаньшу Қазақстан Президентіне үлкен құрмет көрсеткені үшін ризашылық білдіріп, ҚХР Төрағасы Си Цзиньпиннің шынайы сәлемін жеткізді.

«Төраға Си Цзиньпин Сізді мемлекетті басқару ісінде өз көзқарасы бар, өзара қарым-қатынасымыздың стратегиялық маңызын терең түсінетін, тәжірибесі мол саясаткер ретінде жоғары бағалайды. Сондықтан екі елдің көшбасшылары арасында өте маңызды келіссөздер өтті. Сіздің еліңіз бізге жақсы дос, Сіз де байланыстарымыздың дамуына зор үлес қосып отырсыз», - деді Ли Чжаньшу.

Қазақстан Президенті екі ел арасындағы егемендік құқықтарды өзара құрметтеуге, айнымас халықаралық қағидаттарға және өзара тиімді ынтымақтастықты дамуға негізделген достық байланыстарды атап өтті.    

«Шын мәнінде, біздің елдер арасындағы қарым-қатынас жөнінде маңызды, іргелі келісімдер жасалды. Біздің елдеріміздің қарым-қатынасы мәңгілік стратегиялық сипатта. Бұл келісімдерге Сіздің де қосқан үлесіңіз орасан. Елімізде маңызды іс-шараға қатысасыз. Сізге сәттілік тілеймін» - деді Қасым-Жомарт Тоқаев.    

Дариға Назарбаева: Қазақстан мен Ресейдің экология заңнамасын үйлестіретін уақыт жетті

Кездесу аясында парламентаралық ұйымдар, атап айтқанда ЕКПА аясындағы өзара іс-қимыл, Сирия дағдарысын реттеу және экономикалық ынтымақтастықты тереңдете түсудің келешегі талқыланды.

23 Қыркүйек 2019 22:35 409

Парламент сенатының төрағасы Дариға Назарбаева мен Ресей федерациясы мемлекеттік думасының төрағасы Владимир Володинмен, федералдық жиналыстың федерация кеңесі төрағасының орынбасары Ильяс Умахановпен кездесуі барысында Қазақстан мен Ресей ынтымақтастығын тереңдете түсудің келешегі талқыланды, деп хабарлайды ҚазАқпарат.

Жүздесушілер екіжақты қатынастардың оң қарқынын айта келіп, Қазақстанның елордасында өтіп жатқан Еуразия елдері парламенттері спикерлері кеңесінің маңызын атап өтті.

Дариға Назарбаева екі елдің жоғарғы палаталарының арасындағы Ынтымақтастық комиссиясының тиімділігін атап өтті. Комиссия мүшелері ұлттық заңнамаларды жақындастыра түсудегі нақты ұсынымдар әзірлеуде ауқымды жұмыс атқарды.

Жоғарғы палата басшысы экология және өзендерді қорғау мәселелері жөніндегі екіжақты ынтымақтастықты тереңдете түсу қажеттігіне ресейлік әріптестерінің назарын аударды. Қолданыстағы нормативтік-құқықтық база қазіргі замандағы қатерлерге және Жайық өзенінде қалыптасқан жағдайға сәйкес келмейді.

«Қазақстан мен Ресейдің экология мен табиғатты пайдалану заңнамаларын үйлестіретін уақыт келді. Үлгі заңдарды әзірлеп, қабылдау қажет», – деді сенат төрағасы.

Д.Назарбаеваның пікірінше, киберқауіпсіздік саласындағы үлгі заңнамасын әзірлеу және ЕАЭО аясындағы ақпараттық саясатты белсендендіру қажет.

«ЕАЭО шеңберінде көптеген интеграциялық мәселелер бар, бірақ ақпарат кеңістігінде олар талқыланбай келеді. ЕАЭО-да болып жатқан жағдайлардан, қандай шешімдер қабылданып жатқанынан хабарсыздық бар», – деді сенат төрағасы.
Владимир Володин экологиялық және су ресурстарын пайдалану заңнамасын жақындастыра түсу мәселелерін аймақаралық іс-қимыл аясында талқылау қажеттігін атап өтті. Ол сондай-ақ ақпараттық қауіпсіздік туралы заң жобасы әзірленгенінен хабардар етті.

Тараптар парламентаралық ынтымақтастықты жаңа қалыпқа түсіру туралы айта отырып, «нақтылыққа көшу және соңғы нәтижеге қол жеткізу қажет» деген ортақ пікірге келді.

Елбасы Вячеслав Володинмен келіссөз өткізді

Кездесу барысында Елбасы Қазақстан мен Ресей Федерациясы арасындағы қатынастарды нығайту жөніндегі жұмыстың нәтижелері мен перспективаларына тоқталды.

23 Қыркүйек 2019 19:51 475

Нұрсұлтан Назарбаев РФ Мемлекеттік Думасының төрағасы Вячеслав Володинмен келіссөз өткізді, деп хабарлайды Елбасының баспасөз қызметі.

«Мемлекеттік Дума мен Парламент Мәжілісі тұтастай біздің елдеріміз сияқты достық байланыста. Біздің қатынастарымыз саясатта да, экономикалық салада да, сондай-ақ, мәдени-гуманитарлық ынтымақтастықта да үлгілі болып табылады. Біз әрі қарай да осы бағыттар бойынша жұмысты жалғастыра беретінімізге сенімдімін», – деді Қазақстанның Тұңғыш Президенті.

Өз кезегінде В.Володин Елбасының Қазақстан мен Ресей арасындағы мемлекетаралық қатынастарды орнатудағы және нығайтудағы маңызды рөлін атап өтті.

Сонымен қатар, РФ Мемлекеттік Думасының төрағасы алдағы парламенттік шараға дайындықтың жоғары деңгейін айта келе, парламентаралық байланыстарды нығайтудағы спикерлер кеңесінің өсіп келе жатқан рөліне назар аударды.