DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Мемлекет басшысы «Nur Otan» мүшелерін халыққа жақын болуға шақырды

Мемлекет басшысы «Nur Otan» мүшелерін халыққа жақын болуға шақырды

Мемлекет басшысы «Nur Otan» партиясы төрағасының бірінші орынбасары Бауыржан Байбекті қабылдады.

26 Шілде 2019 16:00 331

Мемлекет басшысы «Nur Otan» мүшелерін халыққа жақын болуға шақырды

Қасым-Жомарт Тоқаевқа «Nur Otan» партиясының қазіргі жағдайы, мемлекеттік органдармен өзара ықпалдастық тетіктерін жандандыру және Президент Әкімшілігімен бірлескен жұмыстарды қамтамасыз ету жөнінде мәлімет берілді, деп хабарлайды Ақорданың баспасөз қызметі.

Бауыржан Байбек өңірлерге жасаған сапарларының қорытындылары, бастауыш партия ұйымдарымен жұмыс және партия қатарын тазарту үдерісі туралы баяндады. Сонымен қатар, ол демократиялық күштердің жалпыұлттық коалициясы жұмысының тоқтағаны және партияның Ұлттық қоғамдық сенім кеңесінің жұмысына институционалды қатысу жоспары жөнінде хабарлады.

Қазақстан Президенті партия мен халық арасындағы байланысты күшейтудің маңыздылығын айтты. Мемлекет басшысы партия мүшелерін ел өміріне белсенді атсалысуға және халыққа жақын болуға шақырды.

«Партия азаматтар үшін ашық әрі қол жетімді болуы, халықтың мүддесін тиімді қорғауы тиіс. Партияның қоғамдық қабылдаулары Президенттің виртуалды қабылдауымен тығыз байланыста болып, тұрғындардың мәселелерін шешудің шынайы тетігіне айналуы қажет», – деді Қасым-Жомарт Тоқаев

inbusiness.kz-ті қараңыз, оқыңыз :

Мәслихат сайлауына өзгеріс енгізіледі

Мажоритарлық жүйеге көшуді қолдап жүргендердің нақты ұсынысы жоқ.

21 Тамыз 2019 12:55 519

Мәслихат сайлауына өзгеріс енгізіледі

«2018 жылы сайлау заңнамасын жетілдірдік. Мәслихаттардың келесі сайлауы алғаш рет партиялық тізім бойынша өткізілейін деп отыр. Мәслихаттың келесі сайлауы Мәжілістегідей партиялық тізіммен өтеді. Жекелеген оппоненттердің немесе блогерлердің мерзімінен бұрын Парламент сайлауының және басқаларының мажоритарлық жүйесіне оралуды ұсынып жатқанын естіп отырмыз. Бүгін мұндай сөз сөйлеушілерге жауап беру қажет», – деді Елбасы Нұрсұлтан Назарбаев.

Тұңғыш Президенттің мәлімдеуінше, сайлауды мажоритарлық жүйеге көшуді қолдап жүргендердің нақты ұсынысы жоқ.

«Олардың нақты аргументтері жоқ, әдеттегідей тек қана әңгіме. Билікті сынап сөйлегендері бос сөз ғана. Тым болмаса біреуі қалай істеу керектігін ұсынып, қалай жасау керектігін көрсетсе ғой. Демократияның шамшырағы деп жүрген Еуропадағы 30 дамыған елдің қатарына кіретін мемлекеттердің 63%-ы сайлауды пропорционалды жүйемен өткізеді. Мажоритарлық жүйедегі сайлау Азия елдеріне тән. Яғни пропорционалды жүйе үздік әлемдік демократиялық тәжірибеге толық сай келеді. Саяси жүйені нығайтуға, демократияны дамытуға септігін тигізіп, толықтай алғанда саясия партияның қызметін жандандырады», – деп түсіндірді «Nur Otan» партиясының төрағасы.

Қанат Махамбет

Елбасы мәжіліс сайлауына дайындықты белсенді жүргізуге шақырды

«Nur Otan» партиясы саяси кеңесі бюросының отырысы өтті.

16 Тамыз 2019 17:49 781

Елбасы мәжіліс сайлауына дайындықты белсенді жүргізуге шақырды

Нұрсұлтан Назарбаев партия өкілдеріне мәжіліс сайлауына дайындықты белсенді жүргізуге шақырды. Бұл туралы Қазақстанның Тұңғыш Президенті – Елбасының баспасөз хатшысы Айдос Үкібай өзінің twitter-дегі парақшасында хабарлады.

«Отырыс барысында Нұрсұлтан Назарбаев «Nur Otan» партиясы өкілдеріне Конституцияда көрсетілген мерзімде өтетін Мәжіліс сайлауына дайындық жұмыстарын белсенді жүргізуді тапсырды»,– деп жазды Айдос Үкібай.

 

Жаңалықтарға жазылу: