Мемлекет басшысы Тәжікстан мен Арменияның басшыларымен телефон арқылы сөйлесті

684

Олар Қасым-Жомарт Тоқаевты Қазақстан Республикасының президенті лауазымына кірісуімен құттықтап, жауапты қызметіне табыс тіледі.

Мемлекет басшысы Тәжікстан мен Арменияның басшыларымен телефон арқылы сөйлесті

Мемлекет басшысы Тәжікстан мен Армения президенті Эмомали Рахмонмен телефон арқылы сөйлесті, деп хабарлайды Ақорданың баспасөз қызметі.

Әңгімелесу барысында Тәжікстан президенті Эмомали Рахмон Қасым-Жомарт Тоқаевты Қазақстан Республикасының президенті лауазымына кірісуімен құттықтап, жоғары мемлекеттік қызметіне табыс тіледі.

Қасым-Жомарт Тоқаев құттықтағаны үшін Эмомали Рахмонға ризашылық айтып, Қазақстан мен Тәжікстанның өзара ықпалдастығы одан әрі қарқынды дами түсетініне сенім білдірді.

Сондай-ақ, екі ел көшбасшылары бір-бірін Наурыз мейрамымен құттықтады.

Телефон арқылы сөйлесуге Тәжікстан жағы бастамашы болды.

Армения президенті Армен Саркисян Қасым-Жомарт Тоқаевты Қазақстан Республикасының президенті лауазымына кірісуімен құттықтап, жауапты қызметіне табыс тіледі.

Қасым-Жомарт Тоқаев құттықтағаны үшін Армен Саркисянға ризашылық білдіріп, Қазақстанның Армениямен өзара тиімді ынтымақтастықты дамытудағы саяси бағыты өзгермейтінін айтты.

Телефон арқылы сөйлесуге Армения жағы бастамашы болды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу