Грузия мен Әзербайжан шекарасына жақын жерде Түркияның әскери C-130 "Геркулес" ұшағы құлады, деп жазады inbusiness.kz сайты.
Алдын ала мәліметке сәйкес, әскери ұшақ Әзербайжаннан ұшып шығып, Түркияға қайтып бара жатқан кезде апатқа ұшыраған.
Қазір Анкара мен Тбилиси бірлесіп іздестіру-құтқару жұмыстарын жүргізіп жатыр.
Ұшақ бортында Бакудегі әскери шеруге қатысқан сарбаздар болған. Олар Ыстанбұлға қайтып келе жатқан.
Болжам бойынша, әскери ұшақтағылардың барлығы қаза тапқан.
Қасым-Жомарт Тоқаев Түркия қарулы күштері ұшағының апатқа ұшырауына байланысты көптеген адамның қайтыс болғаны туралы суыт хабарды күйзеліспен қабылдағанын жеткізіп, Президент Режеп Тайып Ердоған мен бауырлас түрік халқына көңіл айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
