Мемлекет басшысы Түркия Президентіне көңіл айту жеделхатын жолдады

486

Қасым-Жомарт Тоқаев шахтадағы жарылыс салдарынан болған қайғылы оқиғаға ортақтасып, көңіл айтты.

Мемлекет басшысы Түркия Президентіне көңіл айту жеделхатын жолдады Фото: akorda.kz

Қасым-Жомарт Тоқаевтың Президент Режеп Тайип Ердоғанға жеделхатында Түркияның Бартын провинциясындағы шахтада болған жарылыс салдарынан қаза тапқандар мен зардап шеккендер туралы ақпаратты терең күйзеліспен қабылдағанын жеткізген, деп inbusiness.kz Ақорда баспасөз қызметіне сілтеме жасап хабарлайды .

"Сізге және жақындарынан айырылған отбасыларына Қазақстан халқының және жеке өзімнің атымнан көңіл айтып, орны толмас қайғы-қасіретке ортақтасамын. Алла Тағаладан қаза тапқандардың жаны жәннатта болуын, зардап шеккендердің тез арада сауығып кетуін тілеймін", – деп жазылған жеделхатта. 

Еске салар болсақ, Түркияда шахтада болған жарылыстан 25 адам қаза тапқанын хабарлаған болатынбыз.

Тап қазіргі уақытта қайтыс болғандар саны 28-ге жеткен. Жарылыс кезінде шахтада 110 адам жұмыс істеп жатқан. Оның 58-і құтқарылды, ал шахта астында қалған 15 адам әліде іздестірілуде деп жазады Анадолы агенттігі. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу