/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Мемлекет басшысының баспасөз хатшысы коронавирус жұқтырғаны белгілі болды

Мемлекет басшысының баспасөз хатшысы коронавирус жұқтырғаны белгілі болды

Президенттің денсаулығына ешқандай қауіп жоқ.   

06 Маусым 2020 22:45 559

Мемлекет басшысының баспасөз хатшысы коронавирус жұқтырғаны белгілі болды

Бұл туралы Берік Уәли Facebook-те жазды. 

«Ардақты ағайын! Өкінішке қарай, бүгін аса бір жайсыз жаңалықты жариялайын деп отырмын. Әлемді айналып, елімізді шарлап кеткен коронавирус індеті менен де табылды. Кеше тапсырған тест қорытындысы оң нәтиже берді. Қазір ауруханада, дәрігерлердің қарауында жатырмын. Жағдайым бір қалыпты. Аса алаңдайтындай емес. Ем қабылдаудамын», - деп жазған ол Мемлекет басшысы белгіленген кестеге байланысты жұмыс істеп жатқанын мәлімдеді.  

«Басын ашып айтатын мәселе, Президент белгіленген кестеге сәйкес жұмыс істеп жатыр. Мемлекет басшысының денсаулығына ешқандай қауіп төніп тұрған жоқ. Қасым-Жомарт Кемелұлы үнемі тест тапсырып, қорытындысын алып отыр. Ақордада санитарлық режим күшейтіліп, қауіпсіздік шаралары қатайтылған. 

Осы індет басталғалы барлығымыз дабыл қағып, сақтануға, дертті жұқтырмаудың жолдарын қарастыруға шақырып келеміз. Бірақ пандемияға сенбейтін, ауруды жоқ деушілер азаймай тұр. Ондайда «Ауырған адамды көрсетіңдерші», «Менің танысымның бірде-бірі ауырған жоқ. Сонда онымен кім ауырып жатыр?», «Ауырған адамдардың аттарын неге атамайды?» деген сияқты пікірлерді жиі еститінбіз. Міне, мен дерт жұқтырдым, оны жасырмай жариялап отырмын. Мұндағы мақсат алаңсыз жүрген азаматтар ойлансын, сенбей жүрген кісілердің көзі жетсін дегенім. Ауру бар. Оны жұқтырушылардың саны күн сайын артып жатыр. Қанша жерден сақтық шараларын қатаң сақтап жүрсек те, біз де жұқтырдық. Енді емделу керек», - деді Қазақстан Республикасы Президентінің баспасөз xатшысы Берік Уәли. 

Aliexpress-тен Қытайдан тағам сатып алуды тоқтату керек – Жандарбек Бекшин

Коронавирус жануарлардың ағзасында өлмей, тіршілік ете беретіні анықталды.

24 Қаңтар 2020 17:04 557

Aliexpress-тен Қытайдан тағам сатып алуды тоқтату керек – Жандарбек Бекшин

24 қаңтарда Сыртқы істер министрлігі ғимаратында өткен баспасөз мәслихатында тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин Aliexpress-пен Қытайдан тағам сатып алуды тоқтату керек екенін мәлімдеді.

Оның айтуынша, коронавирус +37 градус жағдайында өмір сүреді және ол жануарлардың ағзасында өлмей тіршілік етеді екен. Ал қоршаған ортада тез өлетін көрінеді.

Қытайдың CGTN ақпараттық басылымының дерегі бойынша қазір вирусты жұқтырғандар саны 881-ге жеткен, оның 11-і басқа елдерде. Ал қаза тапқандар саны – 26.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 508

Уханьда қалған қазақстандық студенттер елге қашан қайтады?

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол.