Келесі жылға арналған жалпымемлекеттік шығыстар айтарлықтай артпақ. Бұл туралы Қаржы вице-министрі Абзал Бейсенбекұлы айтты, деп жазады inbusiness.kz.
"2024 жылға арналған жалпымемлекеттік шығыстар биылға қарағанда 713 млрд теңгеге өсті. Мұнда ең үлкен үлес субвенцияларға тиесілі – 5,3 трлн теңге. Үкіметтік борышқа қызмет көрсетуге шығыстар – 2 трлн теңге. Бұл бағалы қағаздардың ішкі нарығын дамыту басымдықтарына сәйкес келеді", - деді Қаржы вице-министрі.
Оның айтуынша, шұғыл шығындарды қамтамасыз етуге, төтенше жағдайларды жою үшін Үкімет резервіне 417 млрд теңге бағыттау жоспарланып отыр.
"Мемлекет басшысының бастамаларына – 100 млрд теңге", - деді ведомство өкілі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
