Соңғы

Мемлекет басшысының төрағалығымен Үкіметтің кеңейтілген отырысы өтеді

07.02.22, 16:14 1268

Қасым-Жомарт Тоқаев сейсенбі күні үкіметтің 2021 жылға арналған әлеуметтік-экономикалық даму қорытындылары туралы есебімен танысады, деп хабарлады президенттің баспасөз хатшысы Берік Уәли.

"Ертең, 8 ақпанда Мемлекет басшысының төрағалығымен Үкіметтің кеңейтілген отырысы өтеді. Жиын барысында еліміздің былтырғы әлеуметтік-экономикалық дамуының қорытындылары туралы есеп беріледі және Үкіметтің 2022 жылға арналған іс-қимыл жоспары қарастырылады", – деп жазды Берік Уәли әлеуметтік желіде.