Ауыл шаруашылығы министрлігі жылқы мен түйе шаруашылығын қолдауға арналған субсидиялар бөлінгенін мәлімдеді, деп жазады inbusiness.kz сайты.
Субсидиялар төмендегідей бөлінген:
- Бие сүтін өндіру мен өңдеуді қолдауға – 323,3 млн теңге;
- Түйе сүтін өндіру мен өңдеуге – 462,6 млн теңге;
- Бордақылау алаңдары мен ет өңдеу кәсіпорындарына ұсақ малдың еркек дарағын союға өткізу құнын арзандатуға – 228 млн теңге;
- Сүт өндірісінің шығындарын азайтуға – 23 959,8 млн теңге;
- Сиыр етін өткізу құнын төмендетуге – 524,9 млн теңге;
- Бордақылауға немесе союға өткізілген ірі қара үшін – 6 406,9 млн теңге;
- Тауық етін өндіруді қолдауға – 22 403,4 млн теңге.
2023 жылы мал шаруашылығын субсидиялау үшін барлығы 147 млрд 25,7 млн теңге бөлінген.
Импорт мәселесі шешілген жоқ.
Министрлік мәлімдеуінше, бұл қаржылық қолдаулар ішкі нарықтағы импортты толық ығыстыруға жеткіліксіз болып отыр.
Шошқа шаруашылығына субсидия берілмейді.
Сонымен қатар, шошқа шаруашылығына мемлекеттен ешқандай субсидия төленбейтіні атап өтілді.
Бұған қоса, 2018 жылдан бері шошқа еті, жылқы еті, түйе сүті, жүн, сондай-ақ 2023 жылдан бастап тағамдық жұмыртқа өндірісін субсидиялау тоқтатылған.
Мемлекет алдағы уақытта субсидиялау жүйесін өзгерту арқылы ауыл шаруашылығына қолдау көрсетудің тиімділігін арттыруды жоспарлап отыр.
