/img/tv1.svg
RU KZ
Мемлекетке 1 миллиард теңгеден астам сомаға залал келтірілген шенеунік ұсталды

Мемлекетке 1 миллиард теңгеден астам сомаға залал келтірілген шенеунік ұсталды

Маңғыстау облысының денешынықтыру және спорт басқармасының басшысы лауазымды өкілеттілігін теріс пайдаланғаны үшін күдікке ілінді.

08 Ақпан 2019 17:28 609

Мемлекетке 1 миллиард теңгеден астам сомаға залал келтірілген шенеунік ұсталды

ҚР мемлекеттік қызмет істері және сыбайлас жемқорлыққа қарсы іс-қимыл агенттігі облыстық басқарма басшысын ұстады, деп xабарлайды ҚазАқпарат.

Қоғаммен байланыс департаментінің директоры Арман Бердалиннің айтуынша, Маңғыстау облысының денешынықтыру және спорт басқармасының басшысы лауазымды өкілеттілігін теріс пайдаланғаны үшін күдікке ілінді.

«Сыбайлас жемқорлыққа қарсы ұлттық бюро Маңғыстау облысының денешынықтыру және спорт басқармасының басшысына қатысты сотқа дейінгі тергеуді бастады. Ол шетел компаниясын аккредиттеу шарасын заңсыз жеңілдету, сондай-ақ, мемлекеттік-жекеменшік әріптестік келісімі бойынша мұз сарайының құрылысына іс жүзінде сәйкес келмейтін жабдықты жеткізуді растау арқылы лауазымын теріс пайдаланғаны үшін күдікке ілініп отыр. Нәтижесінде мемлекет мүддесіне 1 миллиард теңгеден астам сомаға залал келтірілген. Сот күдіктіге қатысты күзетпен ұстау түріндегі бұлтарпау шарасын санкциялады. Тергеу жалғасуда», – деді Арман Бердалин Астанада өткен баспасөз мәслиxатында.

57 млрд теңгеге жаңа туристік кешен салынады

Кешен үшін 16 гектар жер бөлініп отыр.

22 Шілде 2019 12:28 446

Еліміздің батысында 57 млрд теңгеге жаңа туристік кешен салынады. Оны келесі 2020 жылдың төртінші тоқсанына дейін Ақтау қаласынан 19 шақырым жерде тұрғызу жоспарлануда, деп хабарлайды Atameken Business.

Маңғыстау облысының құрылыс, сәулет және қала құрылысы басқармасының хабарлауынша, жобаға түрік компаниясы инвестиция салады. Кешен үшін 16 гектар жер бөлініп отыр.

Жоба іске асса ең азы 800, ал ең көбі  1250 адам жұмыспен қамтылатын болады деп күтілуде.

Маңғыстау облысында жел электр стнациясы іске қосылды

Нысанда 12 адам жұмыс істейді. 

15 Маусым 2019 05:39 655

Маңғыстау облысында 782 млн теңге тұратын жел электр станциясы іске қосылды, деп хабарлайды   LS.

Өңірлік әкімдіктегілердің айтуынша, қуаттылығы 5МВт болатын жасыл нысан Түпқараған ауданының Ақшұңқыр ауылында пайдалануға берілген.  

«ЖЭС-да 12 маман жұмыс істейді. Нысан 2017 жылы салынып басталған. Ол үш желэлектрлік қондырғыдан тұрады», - деді ведомствадағылар.

Электр энергиясын тұтынушылар ­- ауыл тұрғындары.