Жайлы креслодан темір торға! Ақмола облысында жер учаскелері арқылы елді де, мемлекетті де алдаған 24 шенеунік сот алдында жауап берді. Олардың қатарында жер қатынастар басқармасының бөлім басшысы, ХҚКО-ның директоры, әділет басқармасының басшысы, қала құрылысы және сәулет бөлімінің қызметкерлері, тіпті ауыл округтінің әкімі де бар. Облыстық прокуратураның хабарлауынша 500 томдық қылмыстық істе, ұйымдасқан қылмыстық топтың жерге қатысты 88 заң бұзушылық әректі тіркелген. Ал зардап шеккендер 187 азамат. Дәніккен атқа мінерлер мемлекет қазынасына 40 миллион, ал жеке тұлғаларға 500 миллион теңге көлемінде шығын келтірген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
