Биылғы қаңтар-тамыз айларында мемлекеттік бюджет кірістері 15,4 трлн теңгеге жетті. Бұл былтырғыға қарағанда 14,5%-ға артық. Ал мемлекеттік бюджет шығыстары былтырғыға қарағанда 23,2%-ға артып, 16,4 трлн теңге болды, деп хабарлайды Inbusiness.kz сайты finprom.kz порталына сілтеме жасап.
Сәйкес кезеңде мемлекеттік бюджет шығыстары түскен табыстан 1 трлн теңгеге артық болды.
9 айдың қорытындысы бойынша мемлекеттік бюджет шығыстарының басым бөлігі білім беру саласына жұмсалды: 3,5 трлн теңге. Тағы 3,5 трлн теңге әлеуметтік көмек пен әлеуметтік қамсыздандыру саласына тиесілі.
Денсаулық сақтау секторына арналған шығыстар 1,5 трлн теңгені құрады. Қарызды жабуға бюджеттен 1,5 трлн теңге бөлінді: жылдық өсім – 37,2%.
Мемлекеттік кірістің 78,8%-ы салық түсімдері есебінен құралды. Қазынаға 12,1 трлн теңге салық түсті. Бұл былтырғыға қарғанада 25,6%-ға көп.
Салықтық емес түсімдер 287,7 млрд теңгеге дейін, негізгі капиталды сатудан түскен түсім 98,9 млрд теңгеге дейін қысқарды.
Трансферттер түсімдері де былтырғымен салыстырғанда 13,9%-ға төмендеген: 2,9 трлн теңге.
