Мемлекеттік бюджет кірістерінің 71,9%-ы салық түсімдерінен тұрды (10,7 трлн теңге). Бұл өткен жылмен салыстырғанда 41,4%-ға артық. Оның ішінде қосылған құн салығынан түсетін түсімдер – 4,2 трлн теңге, табыс салығынан – 3,8 трлн теңге, халықаралық саудаға және сыртқы операцияларға салынатын салықтардан – 1,6 трлн теңге, әлеуметтік салықтан – 741,2 млрд теңге, ал меншік салығынан түсетін түсімдер 351,5 млрд теңгені құрады.
Салықтық емес түсімдер бір жылда 39,5%-ға артты. Оның ішінде мемлекеттік меншіктен түсетін кірістер 140,4 млрд теңгені, мемлекеттік мекемелер салатын айыппұлдар, өсімпұлдар, санкциялар, өндіріп алулар – 79,4 млрд теңгені, мемлекеттік бюджеттен қаржыландырылатын мемлекеттік мекемелердің тауарлар мен қызметтерді сатудан түсетін түсімдер 2,5 млрд теңгені құрады.
Негізгі капиталды сатудан түсетін түсімдер бір жыл ішінде 33,8%-ға дейін өсті. Атап айтқанда, мемлекеттік мекемелерге бекітілген мемлекеттік мүлікті сатудан түскен кірістер – 145,9 млрд теңге, жер мен материалдық емес активтерді сатудан – 23,8 млрд теңгені, мемлекеттік материалдық резервтен тауарларды сатудан 1,3 млрд теңгені құрады.
Трансферттер түсімдері бір жылда 7,6%-ға дейін ұлғайды.
