2023 жылғы қаңтар-шілде аралығында мемлекеттік бюджеттің кірісі 12,8 трлн теңгеге жетті. Бұл былтырғыға қарағанда 12,1%-ға артық, деп жазады inbusiness.kz finprom.kz порталына сілтеме жасап.
Бұдан бөлек мемлекеттік бюджет шығыстары 2022 жылдың алғашқы жеті айымен салыстырғанда 25%-ға ұлғайып, 14,5 трлн теңге болған.
Шығыстар мен кірістер арасындағы айырмашылық 1,7 трлн теңгені құрады. Шығыстар мен кірістердің арақатынасы: 113%.
Биылғы 7 айдың қорытындысы бойынша мемлекеттік бюджет шығыстарының басым бөлігі білім беру саласына тиесілі: 22,2% немесе 3,2 трлн теңге.
Шығыстардың тағы 20,9%-ы әлеуметтік көмек пен әлеуметтік қамсыздандыру саласына жұмсалды: 3 трлн теңге.
- Одан кейінгі орында денсаулық сақтау саласы орналасты: 1,3 трлн теңге немесе 9,2%.
- Қарызға қызмет көрсетуге 1,3 трлн теңге бағытталды. Жылдық өсім – 37,8%.
Мемлекеттік кірістерге келсек, бюджетке салық түсімдері 78,5%-ды құрады: 10 трлн теңге. Салықтық емес түсімдер бір жылда 1,7%-ға, 246,3 млрд теңгеге дейін ұлғайды. Негізгі капиталды сатудан түсетін түсімдер 35,5%-ға, 82,3 млрд теңгеге дейін қысқарды.
Трансферттер түсімдері – 2,4 трлн теңге.
