Қазақстан Республикасының Мемлекеттік кеңесшісі Ерлан Қариннің төрағалығымен мектептердегі тәрбие жұмысы жөнінде кеңес өтті, деп хабарлайды inbusiness.kz сайты.
Оған мемлекеттік органдардың өкілдері және "Біртұтас тәрбие" бағдарламасын әзірлеген жұмыс тобының мүшелері қатысты.
Аталған құжат Мемлекет басшысының Ұлттық құрылтайдың "Адал адам – Адал еңбек – Адал табыс" атты үшінші отырысында берген тапсырмасына сәйкес дайындалды.
Мемлекеттік кеңесші тәрбие жұмыстарын ұйымдастыру мектеп пен ата-аналардан күш жұмылдыруды талап ететін күрделі үдеріс екенін атап өтті.
Бағдарлама отаншылдық, жауапкершілік, еңбекқорлық, ынтымақтастық, жасампаздық пен жаңашылдық секілді іргелі құндылықтарды кеңінен дәріптеп, өскелең ұрпақтың бойына сіңіруді көздейді.
Жиын соңында Ерлан Қарин барлық білім беру мекемесінде тәрбие жұмысының жаңа бағдарламасын тиімді жүзеге асыруға және оны одан әрі ілгерілетуге қатысты нақты тапсырмалар берді.
