Қазақстандықтарға салық берешегінің бар-жоғын қалай тексеру керектігі айтылды, деп хабарлайды inbusiness.kz сайты Маңғыстау облыстық кірістер департаментіне сілтеме жасап.
Салық берешегінің бар-жоғын Мемлекеттік кірістер комитетінің сайтында, электронды үкімет порталында немесе аумақтық салық департаментіне, сондай-ақ, халыққа қызмет көрсету орталығына барған кезде онлайн режимінде тексеруге болады.
Мемлекеттік кірістер комитетінің сайты – салық төлемдерін тексерудің негізгі ресурсы. Сайтқа kgd.gov.kz сілтеме бойынша өтіңіз, авторизация қажет емес.
Әрі қарай келесі қадамдарды орындаңыз:
- "Басты бет", "Электрондық қызметтер", "Бизнеске көмек",
- "Салық берешегінің жоқ / бар екендігі туралы мәліметтер" қойындыларынан өтіңіз.
- Тиісті жолға ЖСН/БСН енгізіңіз.
- Нәтижесінде сіз салықтардың түрлері мен олар бойынша берешек сомалары көрсетілген кестені көресіз. Егер берешек болмаса, онда тиісті хабарлама пайда болады.
eGov.kz порталы
- Қызметті алу үшін сайтқа кіріп, "Қызметке онлайн тапсырыс беру" батырмасын басыңыз.
- Өтінімді толтырыңыз және жіберіңіз, бұл ретте ЭЦҚ талап етілмейді. Қарыз туралы мәліметтер "Сұрау/Жіберу" батырмасын басқаннан кейін пайда болады.
Kaspi.kz мобильдік қосымшасы
Берешекті төлеудің бұл түрі, әсіресе жеке тұлғалар мен жеке кәсіпкерлер үшін ыңғайлы.
Қолданбаға кіргеннен кейін:
- "Төлемдер", "Барлығы", "Айыппұл, салық", "Салық", "Салық бойынша борыш" бөлімдеріне кіріңіз.
- ЖСН қолмен немесе Жеке Куәлігіңізден сканерлеу арқылы енгізіңіз.
- "Тексеру" түймесін басыңыз.
Салық түрлері мен сомалары, сондай-ақ егер өсімпұл пайда болған жағдайда соммалары шығады.
