ҚР қаржы министрлігі салық пен кедендік тексеру санын қысқартуға байланысты мемлекеттік кірістер комитетінің қызметкерлерін қысқартуды көздеп отыр, деп хабарлайды ҚР қаржы министрлігінің вице-министрі Руслан Бекетаев.
"Осы жылы біз кедендік және салықтық органдар тарабынан тексеруді азайтамыз. Тексеруге бағытталған біраз шаралар қысқарады. Сонымен қатар осы жұмыстарды атқарып жүрген қызметкерлердің санын кеміту қарастырылады", - деді ол үкіметте өткен баспасөз конференциясында.
Аталған министрліктің баспасөз қызметі берген мәлімет бойынша, осы жылы кәсіпкерлерді тексеру санын қысқарту жоспарланған. Тиісінше бұл мемлекеттік кірістер комитетінің штат санын бақылау-қадағалаумен айналысатын 600 адамға, яғни 37% қысқартуға мүмкіндік береді деп нақтыланған ақпаратта.
