Енді мемлекеттік қызметкердің өзі ғана емес, сондай-ақ туыстары да сыйлық алуын доғаруы қажет, деп хабарлайды Atameken Business.
Әрі бұдан былай мемлекеттік қызметке қабылданатын азамат өзінің тікелей басшысына сол мекемеде онымен бірге жұмыс істейтін туысының бар-жоғы жөнінде ақпартты да беруге міндеттеледі. Бүгін осы сынды күрделі өзгертулер жасалған "Жемқорлық туралы" заң жобасы Мәжіліс депутаттарына таныстырылды.
Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектеновтің айтуынша, Ұлттық бюро "Азаматтық кодекстегі" 509-шы баптың да өзгертілуін қалайды. Себебі бұл бап "Жемқорлық туралы" заңға қайшы. Яғни, онда мемлекеттік қызметтегі адамға құны 10 айлық есептік көрсеткіштен аспайтын сыйлықты беруге рұқсат делінген.
