"Республикалық бюджет түсімі 1,1 трлн теңгеге ұлғайып, 12,6 трлн теңгені құрайды. Жалпы ішкі өнімге қатысты бюджет тапшылығы 3,5% деңгейінде болжанып отыр. Ал республикалық бюджет шығысының көлемі
1,3 трлн теңгеге артып, 15,3 трлн теңгені құрайды", – деді Ерұлан Жамаубаев.
Министрдің мәлімдеуінше, қазына қаржысының 884 млрд теңгесі жол салуға, жөндеуге, агроөнеркәсіп кешенін дамытуға, халықтың тұрғын үй жағдайын жақсартуға, азаматтарды таза ауыз сумен қамтамасыз етуге,
"Ауыл – ел бесiгi" бағдарламасы аясында ауылдарды жаңғыртуға жұмсалады. Коронавирус инфекциясымен күреске 265 млрд теңге бөлінеді.
"Бюджеттің әлеуметтік саласына қарастырылатын қаржы 374 млрд теңгеге ұлғайып, 7,5 трлн теңгені немесе жалпы шығыстың 48,7%-ын құрайды. Күш құрылымдарының шығысы 211 млрд теңгеге жетеді. Мемлекеттік шығыс 80 млрд теңгеге қысқартылып, 3,3 трлн теңге болып бекітіледі", – деді Ерұлан Жамаубаев.
Қанат Махамбет
