/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 22 144,74 Алтын 1 605,80
Мен дәрі жарнамасына қарсымын – Елжан Біртанов

Мен дәрі жарнамасына қарсымын – Елжан Біртанов

Биологиялық қоспаларды дәрі ретінде жарнамалау белең алып тұр.

27 Ақпан 2020 14:45 122

Мен дәрі жарнамасына қарсымын – Елжан Біртанов

Фото: primeminister.kz

БАҚ өкілдерімен кездескен Денсаулық сақтау министрі Елжан Біртанов дәрі-дәрмекті телеарналар арқылы жарнамалауға қатысты көзқарасын айтты.

«Бүгінде рецептпен сатылатын дәрі-дәрмекті жарнамалауға онсыз да тыйым салынған. Рецептсіз босатылатын дәрі мен биологиялық қоспаларды жарнамалауға болады. Егер менің жеке көзқарасыма келсек,  дәріні теледидар арқылы жарнамалауға қарсымын. Мен жалпы дәрігер ретінде өз бетімен емделуге қарсымын. Өкінішке қарай, дәрі-дәрмек туралы бір де бір ақылға қонымды, обьективті жарнама көрген жоқпын. Мұны ішсең, бүкіл ауруыңнан айығасың деген сияқты уәделерге сеніп, адамдар дәрі екен деп алады. Шын мәнінде ол биологиялық қоспа ғана болып шығады. Мен мұны көпе-көрнеу адастыру деп санаймын», – деген министр медициналық өнімді жарнамалау дәрігердің жұмысына араласумен бірдей деген ой айтты. 

«Негізі әр жарнамаға сараптама жасалуы керек. Заңнама аясында талқылануы тиіс. Әзірге нақты шешім жоқ. Кодекс жобасының аясында пікірталас жүріп жатыр. Әрине, телеарналар үшін бұл елеулі кіріс көзі. Бірақ бірінші орында әдеп пен қауіпсіздікті ойлауымыз керек. Сондықтан, дәрі-дәрмек жарнамасын жандандырудың қажеті жоқ деген пікірдемін. Дәріні жарнамалау дәрігер пышағы мен инені жарнамалаумен бірдей. Дәрі-дәрмек дәрігердің қатысуымен қабылданады. Қай ауруға қандай дәрі ем екенін дәрігер шешіп, сол үшін жауапкершілік арқалауы керек», – деді ведомство басшысы.

inbusiness.kz-ті қараңыз, оқыңыз :

Елжан Біртанов: Біз маман тапшылығынан үш есе көп түлек шығарамыз

Министр осылай бола тұра, неге дәрегер жетіспейтінін түсіндірді.

28 Қыркүйек 2018 17:23 468

Елжан Біртанов: Біз маман тапшылығынан үш есе көп түлек шығарамыз

Бүгін үкіметтің баспасөз орталығында өткен баспасөз конференциясында денсаулық сақтау министрі Елжан Біртанов медициналық кадрларды даярлау сапасын арттыру бойынша қабылданып жатқан шаралар туралы айтып берді, деп хабарлайды primeminister.kz.

Оның айтуынша, бүгінгі таңда елімізде шамамен 240 мың медициналық қызметкер бар. Оның ішінде 70 мыңы — дәрігерлер, 170 мыңы — мейірбикелер. Соның ішінде дәрігерлердің 20%, мейірбикелердің 12% жекеменшік секторда жұмыс істейді.

ҚР ДСМ мәліметтері бойынша, кадрлық қамтамасыз етуге байланысты қабылданып жатқан шаралар дәрігер кадрлардың жетіспеушілігін 2007 жылы 5,5 мың маманнан 2017 жылы 2,8 мыңға дейін арттыруға мүмкіндік бергенін атап өткен жөн, яғни мамандар 48,7% артқан. 2020 жылға қарай кадрлар тапшылығын 1,9 мыңға дейін, немесе қарастырылған штаттық бірліктен 2,7% дейін төмендету көзделіп отыр.

Медициналық кадрлармен қамтамасыз етуді одан әрі арттыру үшін ҚР денсаулық сақтау министрлігі мамандарды жалдау және жергілікті жерлерде ұстау үшін бірқатар шаралар атқаруда. Биыл маман тапшылығы 2800 адам болған жағдайда, интернатура түлектері, емханаларда жалпы практика дәрігері, хирург және терапевт болып жұмыс істей алатын 6000 жуық түлек, сондай-ақ 1500 жуық ауқымы тар маман бітірді.

«Біз маман тапшылығынан үш есе көп түлек шығарамыз. Дегенмен, түлектер еңбек нарығында жекеменшік клиникаларға жұмысқа орналасуды жөн санайды және ауылды елдімекендер мен емханаларға орналасуды қаламайды», — деді Елжан Біртанов.

Осыған орай жергілікті атқарушы органдарға өңірге жоғары және жоғарыдан кейінгі білімі бар кадрларды даярлау үшін жергілікті бюджет есебінен білім беру тапсырысын жасауға мүмкіндік берілді.  

«Студенттер әкімдердің гранттарымен білім алғаннан кейін, өздері келген өңірге барып жұмыс істеуі керек. Келесі жылдан бастап грантта оқыған барлық түлектерге міндетті үш жылдық еңбекті өтеу талабын енгіземіз. Арнайы мемлекеттік комиссия оларды осы өңірлерге бөлетін болады. Мемлекет олардың оқуына ақы төлегеннен кейін, олар сол жерге барып жұмыс істеуі керек», — деді Елжан Біртанов.

Өткен жылы 300-ге жуық медицина қызметкері жазаға кесілген

Министр «дәрігерлік қателік» ұғымын заң жүзінде айқындап, жаза мерзімін 3 жылдан 1 жылға дейін қысқартуды ұсынуда.   

21 Қыркүйек 2018 17:25 423

Өткен жылы 300-ге жуық медицина қызметкері жазаға кесілген

Денсаулық сақтау министрі Елжан Біртанов дәрігерлер жазасын жеңілдетуді ұсынды, деп хабарлайды .

Оның айтуынша, қазір жұмысқа салғырт қарағандар мен емдеу стандартын орындамағандар бірдей жауапқа тартылуда. Салада ғылымға негізделген емдеу тәсілдері көп. Ал дәрігердің тиімдісін таңдауға құқысы бар. Алайда, соңғы уақытта болмашы себеппен жұмыстан қуылып, не бас бостандығынан айыру жағдайлары көбейген. Өткен жылдың өзінде 300-ге жуық қызметкер жазаға кесілген. Осыған орай, министр «дәрігерлік қателік» ұғымын заң жүзінде айқындап, жаза мерзімін 3 жылдан 1 жылға дейін қысқартуды ұсынуда.   

«Өз ісіне немқұрайлылық танытып, міндетін тиісті деңгейде атқармаған кезде міндетті түрде әкімшілік не қылмыстық жазаға тартылуға тиіс. Алайда бұл қатарға, дәрігердің стандарттарды сақтамау жағдайын енгізу дұрыс емес. Болмашы қателік үшін оларды кəсіби қызметімен айналысу құқығынан айыру тым қатал жаза. Сондықтан, екеуінің ара жігін ажыратып алу қажет», - деді министр.

Жаңалықтарға жазылу: