Денсаулық сақтау министрлігі ұлттық бірыңғай тест өтетін орындарыда профилактикалық шара өткізбек, деп хабарлайды Atameken TV.
Бас санитар Жандарбек Бекшиннің айтуынша, бұл менингококк инфекциясының таралуына байланысты жүргізіледі.
Елімізде маусымның 20-сы мен 30-ы аралығында 147 мекемеде тест науқаны өтеді. Сол аралықта әрбір түлектерді арнайы медицина мамандары бақылайтын болады. Барлық орындарға дәрі-дәрімектер жеткізіледі. Тест ұйымдастырушыларына сынақ басталмас бұрын дезинфекциялық заттармен тазалық жұмысын жүргізуге кеңес берілді. Себебі, тест бір жерде 4 сағатқа дейін жалғасады деді бас санитар.
Бұдан бөлек, денсаулық сақтау министрі Елжан Біртанов менингит жұқпасынан көз жұмғандардың туыстарына ешқандай өтемақы берілмейтіндігін жеткізді.
