Байқау Қазақстан Республикасы Үкіметінің 2014 жылғы 5 наурыздағы №181 қаулысымен бекітілген "Мерейлі отбасы" ұлттық конкурсын өткізу қағидаларына сәйкес өткізіледі, деп жазады inbusiness.kz сайты.
Конкурсты өткізудің мақсаты:
- Отбасы институтын, адамгершілікті, руханиятты нығайту, жауапты ерлі-зайыптылықтың маңыздылығын мойындау;
- Балаларды тәрбиелеуде ата-аналардың жауапкершілігін арттыру;
- Отбасылық құндылықтарды, кәмелетке толған балалардың еңбекке жарамсыз және қарт ата-аналарға қамқорлығын көрсету және кеңінен насихаттау;
- Қазақстандық отбасының оң имиджін насихаттау.
Қатысу үшін өтінім мен құжаттар 2025 жылдың 15 мамырдан 15 маусымға дейінгі аралықта әр аймақта қалалық және аудандық әкімдіктердің ішкі саясат бөлімдерінде қабылданады.
Құжаттарды қағаз немесе электрондық нұсқада тапсыруға болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
