Биылғы жылдың үш тоқсанында металлургия саласындағы өндіріс көлемі 5,4 трлн теңгені құрады. Оның 3,4 трлн теңгесі асыл және түсті металдар өндірісіне, 2 трлн теңге қара металлургияға, 11,2 млрд теңге металл құюға тиесілі, деп хабарлайды inbusiness.kz тілшісі energyprom.kz-ке сілтеме жасап.
Сектордың үш негізгі өндіруші өңірлері: Қарағанды (Қазақстан Республикасының 36,6%-ы), Шығыс Қазақстан (Қазақстан Республикасының 18,3%-ы) және Павлодар (Қазақстан Республикасының 14,9%-ы) облыстары. Өндірілген өнімнің 8,5%-ы Нұр-Сұлтанға, 6,3%-ы Ақтөбе облысына тиесілі.
Металлургия ел экономикасын алға жылжытатын негізгі өнеркәсіп салаларының бірі болып табылады. Биылғы жылдың үш тоқсанының қорытындысы бойынша металлургия саласы өңдеуші өнеркәсіп секторындағы өндірістің 45,4%-ын және Қазақстан Республикасының жалпы өнеркәсіп өнімінің 20,7%-ын қамтамасыз етті. Саланың негізгі экспорттық позицияларының ішінде ферроқорытпалар, мыс, темір, мырыш және т.б. бар.
Металлургия да өнеркәсіп секторы үшін маңызды инвестициялық сала болып табылады. Мәселен, тоғыз айдың қорытындысы бойынша аталған бағытта 346,7 млрд теңге сомасында қаражат тартылды, бұл мұнай өңдеу сегментіндегі барлық салымдардың 32,3%-ын және республика өнеркәсібі үшін жалпы негізгі капиталға салынған инвестицияның 7,7%-ын құрады.
Сонымен қатар еліміздің өңдеу өнеркәсібіндегі барлық жұмысшылардың 28,3%-ы дәл металлургия секторында жұмыс істейді. Сала қызметкерлерінің еңбекақы қоры 84,6 мың адамды құрайды. Бұл өнеркәсіп секторындағы барлық жұмысшылардың 13,3% және Қазақстандағы жұмысшылардың жалпы жалақы қорының 2,2%-ы.
"Коронавирустық дағдарысқа" және тұтастай алғанда әлемнің барлық елдерінің экономикасындағы елеулі проблемаларға қарамастан, Қазақстандағы металлургия сегментіндегі компаниялар өз қызметкерлерінің жалақысын сақтап қана қоймай, өсіре алды. Мәселен, биылғы жылдың екінші тоқсанының қорытындысы бойынша саладағы орташа айлық жалақы өткен жылдың сәйкес кезеңіндегі 283,5 мың теңгенің орнына 335,4 мың теңгені құрады. Салыстыру үшін: жалпы өнеркәсіпте орташа айлық жалақы 303,2 мың теңгені, өңдеу секторында – 257,7 мың теңгені, жалпы Қазақстан Республикасында – 251,5 мың теңгені құрайды. Осылайша, металлургия саласындағы жұмысшылар орташа қазақстандық жалақыдан жоғары еңбекақы алады.
