Microsoft корпорациясы атмосфераға бөлінетін көмірқышқыл газымен күрес жүргізе бастады. Осы орайда $1 млрд қаражатты Жер бетінен улы газды жоюмен айналысатын компаниялар мен ұйымдарға бөлуді жоспарлап отыр.
IT алпауытының ойынша, көмірқышқыл газын қысқарту бойынша жасалып жатқан әрекеттер жеткіліксіз, олардың климат өзгерісін тежеуге қосып жатқан үлесі аз.
Алдағы төрт жылда компанияның климаттық инновациялар қоры инвестиция ретінде акционерлік капиталға қаржы шығындайды. Сондай-ақ Microsoft 2020 жылы көмірқышқыл газын ауаға бөлуді азайтып, керісінше, көбірек жоюға уәде берді.
"Бұл онжылдық Microsoft үшін де, барлығымыз үшін де шұғыл әрекет қабылдау уақыты болмақ", – деді компанияның атқарушы директоры Сатья Наделла.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
