"Сіздерді білім саласындағы қызықты және маңызды зерттеулермен таныстыруды жалғастырамын. Бұл жолғы талдау - ЭЫДҰ мен ЮНИСЕФ-тің бірлескен талдауы. PISA-2018 нәтижелері бойынша Шығыс Еуропа мен Орталық Азиядағы білім сапасы туралы көптеген пайдалы ақпарат бар. Талдау жаңа, 2021 жылғы", - деп жазды министр Telegram-дағы арнасында.
Оның айтуынша, төмендегі графиктер педагогикалық білім мен мұғалім мамандығын дамыту бойынша қабылданған шешімдердің дәлелдер базасын толықтырады.
"Графиктер – бұл "Педагог мәртебесі туралы" заң не үшін қажет болғаны, педагог мамандығына түсу үшін шекті балды күрт көтерудің, мұғалімдерді аттестациялау мен тестілеудің жаңа жүйесін енгізу мен оны жетілдірудің себебі, сондай-ақ неліктен мамандыққа жіберу үшін дипломы бар университет түлектеріне емтихан тапсырудың, жұмысқа орналасудың конкурстық жүйесін енгізудің және тағы басқа жауабы.
Деректер қолайсыз, бірақ енгізіліп жатқан қажетті шаралардың маңызын растайды", - деп жазды Асхат Аймағамбетов.
