Сауда және интеграция министрі Арман Шаққалиев дүкен сөрелеріндегі әлеуметтік маңызы бар азық-түлік тауарларының ішінде отандық өнімдердің үлесі қандай екеніне тоқталды, деп хабарлайды inbusiness.kz сайты.
"Жалпы алғанда, өнімдердің шамамен 80 пайызы – отандық өнім. Қауымдастықтың дерегінше, айранның үлесі – 95 пайыз. Сүт өнімдерінің үлесі 80 пайызға жуықтайды. Әлеуметтік маңызы бар азық-түлік тауарларын алатын болсақ, орташа көрсеткіш – 80 пайыз. Ал нан өнімдері бойынша көрсеткіш 95-97 пайызға дейін жетеді", – деді Арман Шаққалиев Үкімет отырысынан кейінгі брифингте.
Сауда және интеграция министрі ірі сауда желілері дүкен сөрелерінің кемінде 30 пайызын отандық өндірушілердің өнімдеріне бөлуге міндетті екенін еске салды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
