Министрге "Қайрат Сатыбалдының ұсталуы заңға қайшы келмей ме?" деген сауал қойылған болатын.
"Елбасы және онымен бірге тұратын отбасы мүшелерін ұстауға және қамауға алуға болмайды. Бірақ олардан жауап алуға тыйым салынбаған", – деді Мусин.
Оның айтуына қарағанда, аталмыш заң Қайрат Сатыбалдыға қатысты емес.
"Біріншіден, заң отбасы мүшелерін анықтайды, оған немере інілері кірмейді", – деп түсіндірді министр.
Естеріңізге сала кетсек, Қайрат Сатыбалдыұлы "Қазақтелеком" АҚ-ның қаражатын аса ірі көлемде ұрлау күдігімен ұсталып, уақытша ұстау изоляторына қамалды. 2022 жылғы 15 наурызда Нұр-Сұлтан қаласының мамандандырылған ауданаралық тергеу соты күдікті Қ. Сатыбалдыұлына қатысты 2 ай мерзімге күзетпен ұстау түріндегі бұлтартпау шарасын санкциялады
Айта кетсек, ҚР "Тұңғыш Президенті туралы" 3-бабына сәйкес, тиіспеушілік Қазақстан Республикасының Тұңғыш Президентіне – Елбасына және онымен бірге тұратын отбасы мүшелеріне жеке меншік құқығымен тиесілі барлық мүлікке, сондай-ақ олар пайдаланатын тұрғын және қызметтік үй-жайларға, қызметтік көлікке, байланыс құралдарына, алмасқан хаттарына, оларға тиесілі құжаттарға қолданылады.
Фото: turan.edu.kz
