/img/tv1.svg
RU KZ
KASE 2 155,58 РТС 955,34
FTSE 100 5 510,33 DOW J 21 641,19
Hang Seng 23 181,07 Brent 23,50
Министр жаңа әлеуметтік жәрдемақы алу жолын айтты

Министр жаңа әлеуметтік жәрдемақы алу жолын айтты

Жалақысы сақталмай демалысқа жіберілген азаматтарға қаржылай жәрдем беріледі.

25 Наурыз 2020 19:06 144

Министр жаңа әлеуметтік жәрдемақы алу жолын айтты

Төтенше жағдай уақытында ақысыз демалысқа шығуына тура келіп, табысынан айырылған жұмыс істейтін азаматтар мемлекеттік әлеуметтік сақтандыру қорынан төлемақы ала алады. Бұл туралы Ақпарат және қоғамдық даму министрі Дәурен Абаев мәлім етті.

«Бір жұмысшы үшін әлеуметтік төлем мөлшері айына бір айлық төменгі жалақы немесе 42 500 теңге. Мемлекеттік әлеуметтік сақтандыру қорынан берілетін жаңа төлемақы Қазақстан аумағында жұмыс істейтін Қазақстан азаматтарына келесі шарттармен төленеді: төтенше жағдайға байланысты жалақысы сақталмай демалысқа жіберілген жұмыс істейтін азаматтарға беріледі. Жұмыс беруші тарапынан жұмысшысы үшін Мемлекеттік әлеуметтік сақтандыру қорына төтенше жағдай енгізілгенге дейін соңғы 12 ай ішінде 3 рет төлем жасалған болуға тиіс. Әлеуметтік төлем тек шағын, орта және микро бизнес жұмысшыларына ғана тағайындалады. Жаңа әлеуметтік төлем төленуі үшін жұмыс беруші төтенше жағдай енгізілуіне байланысты жұмыскердің табысын жоғалтқаны туралы құжаттармен жергілікті жұмыспен қамту органына жүгінуі керек. Яғни, жалақысыз демалысқа шығару туралы бұйрықтың үзінді көшірмесі мен жұмысшылардың тізімінің ұсынуы қажет. Жұмыс берушінің өтініші бойынша, аудандық жұмыспен қамту мәселесі жөніндегі штаб жұмыс берушіге әлеуметтік қолдау көрсету туралы шешім шығарады. «Азаматтарға арналған үкімет» корпорациясының бөлімшесі өз бетінше құжаттарын әзірлейді де, мемлекеттік қор төлем жасайды. Әлеуметтік төлем жұмысшыға демалыс уақытында ғана төленеді. Бірақ, төлем мерзімі төтенше жағдай уақытынан аспайды», – деп түсіндірді Дәурен Абаев.

Министр жұмыссыз қалған азаматтар мемлекеттік қордан табысының 40%-на дейін алуына мүмкіндігі бар екенін айтып өтті.

«Қолданыстағы заңнама бойынша, жұмыстан шығарылған жұмысшы жұмысынан айырылуы бойынша әлеуметтік төлемді міндетті әлеуметтік төлемге қатысуына және соңғы 24 айдағы табысына байланысты, бір айдан алты айға дейін алуға құқылы. Мемлекеттік қордан төлемдер жұмысшының ала алмай қалған табысының 40%-на дейін төленеді. Ол үшін жұмыстан шығарылған жұмысшы жұмыспен қамту орталығына жұмыссыз ретінде тіркелуге және әлеуметтік төлемдер берілуіне бір өтініш жазуы керек. Төлемдер автоматты түрде төленеді. Азамат жұсмыссыз болып тіркелсе, өтінішті электронды үкіметтің веб-порталы арқылы да жолдауына болады», – деді министр.

Нұржан Көшкін

inbusiness.kz-ті қараңыз, оқыңыз :

Солтүстікке көшетіндерге қаржылай қолдау жоғары

Серік Жәдігер Түркістан облысы Арыс қаласынан Павлодар облысының Майқоңыр ауылына қоныс аударды.

10 Қыркүйек 2019 18:50 331

Солтүстікке көшетіндерге қаржылай қолдау жоғары

Солтүстікке қоныс аударушылар атаулы әлеуметтік көмекті (бұдан әрі – АӘК) және басқа да төлемдерді алып, мұқтажсыз өмір сүруді бастай алды, деп хабарлайды Еңбек және халықты әлеуметтік қорғау министрінің баспасөз қызметі.

Ерлі-зайыпты Серік Жәдігер мен Маржан Нәлібаева 2017 жылы елдің солтүстік өңірлерінің біріне көшу туралы шешім қабылдады.

«Біздің алты баламыз бар. Биылғы жылдың сәуір айында бізге 1 млн 567 мың 200 теңге сомасында атаулы әлеуметтік көмек тағайындалды, ай сайын 130 мың 600 теңге аламыз. Сондай-ақ бізге жеке қосалқы шаруашылықты дамытуға 176 мың 750 теңге көлемінде көмек көрсетілді. Бұл ақшаға біз сиыр сатып алдық. Енді біз дүкеннен сүт өнімдерін сатып алмаймыз – бәрі табиғи. Тағы бізге «Отау ТВ» телевизиялық приставкасын орнатып берді. Әрине, туған өлкемізді сағынамыз, бірақ бұл жақта да бізге өте ұнайды», – деді Маржан Нәлібаева. 

Павлодар облысының жұмыспен қамтуды үйлестіру және әлеуметтік бағдарламалар басқармасының орынбасары Гүлнар Камалова көп балалы отбасының 4 баласын мектепке дайындауға 50 мың 500 теңге көлемінде біржолғы әлеуметтік төлем көрсетілгенін айтады. Сондай-ақ ол аталған отбасының «Еңбек» бағдарламасы арқылы 1 млн. 500 мың теңге микрокредит беріліп, оған 50 бас қой сатып алғанын тілге тиек етті.

Камалованың ақпараты бойынша, қазіргі уақытта 59 отбасы жалпы сомасы 19 млн 200 мың теңге сомасында әлеуметтік көмек алады, оның ішінде 42 отбасыға 100 АЕК көлемінде, жалпы сомасы 10 миллион 600 мың теңге, 17 отбасыға әрқайсысына 200 АЕК-тен, жалпы сомасы 8 миллион 600 мың теңге төленеді.

 

МӘСҚ-нан 55 мыңнан астам азамат төлем алды

Жұмысынан айрылу жағдайы бойынша 47 мың адам әлеуметтік жәрдемақы алды.

09 Қыркүйек 2019 20:49 435

МӘСҚ-нан 55 мыңнан астам азамат төлем алды

2019 жылдың 8 айында 577 мың қазақстандық шамамен 129,9 млрд теңге сомасында Мемлекеттік әлеуметтік сақтандыру қорынан (бұдан әрі - МӘСҚ) төлемдер алды, деп хабарлайды ҚР Еңбек және халықты әлеуметтік қорғау министрлігінің баспасөз қызметі.

Кейбір азаматтар МӘСҚ-дан бірден бірнеше төлем түрлерін алатындығын айта кету керек. Осылайша, асыраушысынан айырылған жағдайда төленетін төлем сомасы 6,3 млрд теңгені (төлемдердің жалпы көлемінің 4,9%), еңбек қабілетінен айырылған жағдайда – 9,1 млрд теңгені (7%), жұмысынан айырылған жағдайда – 2,9 млрд теңгені (2,3%), құрады. Сондай-ақ жүктілігіне және босануына, жаңа туған баланы (балаларды) асырап алуға байланысты табысынан айырылған жағдайда – 52,1 млрд теңге (40,1%), бала бір жасқа толғанға дейін оның күтіміне байланысты табысынан айырылған жағдайда – 59,5 млрд теңгені (45,8%) алды.

Жүктілігіне және босануына, жаңа туған баланы (балаларды) асырап алуға байланысты аналарға арналған Мемлекеттік әлеуметтік сақтандыру қорынан төленетін төлемдердің орташа мөлшері 416 400 теңгені, ал төлем алушылардың саны - 134,7 мың адамды құрады. Бала бір жасқа толғанға дейін оның күтіміне байланысты әлеуметтік төлем мөлшері 31 052 теңгені құрады, оны 353,8 мың қазақстандық алды.

Жұмысынан айрылу жағдайы бойынша 47 мың адам әлеуметтік жәрдемақы алды, оның орташа мөлшері 22 401 теңгені құрады. 45,6 мыңнан астам қазақстандыққа асыраушысынан айрылу жағдайында төлемдер төленді, олардың орташа мөлшері 17 578 теңгені құрады.

Жаңалықтарға жазылу: