/img/tv1.svg
RU KZ
Министр Жапониядан келген ұшақ жолаушыларынан кешірім сұрады

Министр Жапониядан келген ұшақ жолаушыларынан кешірім сұрады

Ұшақ жолаушылары карантинге алынды.

25 Ақпан 2020 12:05 290

Министр Жапониядан келген ұшақ жолаушыларынан кешірім сұрады

Елжан Біртанов Жапониядан келген ұшақ жолаушыларынан бортта атышулы лайнерде болғандар бар екені туралы ескертілмегені үшін кешірім сұрады.

Министр шешім қабылдар кезде кемеде болған азаматтардың тексерілген-тексерілмегендігі туралы қолдарында нақты ақпарат болмағандығын айтып ақталды.

«Өкінішке қарай сондай жағдай болып қалды. Денсаулық сақтау министрлігі аталған азаматтардан кешірім сұраймыз. Бұл шешім қабылданғанда бізде уақыт болған жоқ. Сол күні бізге сондай ақпарат түсіп жатты. Басқа мемлекеттерде де осындай жағдай болып, Жапониядағы лайнерден елге қайтқан жолаушылардың арасында Израиль мен АҚШ-та коронавирус қайтадан табылды»,– дейді министр.

Министрдің айтуынша, карантинге жабылған кемеден босап шыққан 4 қазақстандықтың ұшаққа мінуіне Жапония тарабы қарсылық білдірмепті, себебі олардың барлық құжаты түгел және қолдарында медициналық анықтамасы болған. Ал дипломатиялық қызметтер олармен үздіксіз байланысып тұрыпты.

«Бүгін үшінші рет тағы да тест аламыз. Үшінші тест дұрыс болса, әрі қарай шешім қабылдаймыз», – деген министр аталмыш ресйпен келген жолаушлардың бәрі сау азаматтар екенін қадап тұрып айтты. 

«Ұшақта болғандардың бәрі қазір карантинде жатыр. 4 адам Жапония лайнерінде болғандар, қосымша 8 экипаж мүшесі және 8 жолаушы, қосымша 20 азамат бар. Тағы да айтып кетейін, бұл азаматтар науқас емес. Бәрі сау азаматтар», – деді ол.

Еске салсақ, жолаушыларының бірінен коронавирус анықталғаннан кейін The Diamond Princess круиздік лайнері Иокогама портында екі апталық карантинде тұрды. Кемеде еліміздің төрт азаматы да бар екендігі анықталды. Карантин аяқталған соң олар 23 ақпанда Токиодан Нұр-Сұлтанға келген ұшақпен елге жетті. Олардан өзге бортта 16 жолаушы болған.

Есжан Ботақара

Aliexpress-тен Қытайдан тағам сатып алуды тоқтату керек – Жандарбек Бекшин

Коронавирус жануарлардың ағзасында өлмей, тіршілік ете беретіні анықталды.

24 Қаңтар 2020 17:04 691

24 қаңтарда Сыртқы істер министрлігі ғимаратында өткен баспасөз мәслихатында тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин Aliexpress-пен Қытайдан тағам сатып алуды тоқтату керек екенін мәлімдеді.

Оның айтуынша, коронавирус +37 градус жағдайында өмір сүреді және ол жануарлардың ағзасында өлмей тіршілік етеді екен. Ал қоршаған ортада тез өлетін көрінеді.

Қытайдың CGTN ақпараттық басылымының дерегі бойынша қазір вирусты жұқтырғандар саны 881-ге жеткен, оның 11-і басқа елдерде. Ал қаза тапқандар саны – 26.

Уханьда қалған қазақстандық студенттер елге қашан қайтады?

Карантиндік аймақта қазақстандық студенттер қалды деген дерек бар.

23 Қаңтар 2020 13:46 715

Фото: aikyn.kz

Тауарлар мен қызметтердің сапасы мен қауіпсіздігі комитеті төрағасының орынбасары Жандарбек Бекшин коронавирустың ошағы деп танылған Ухань қаласында қазақстандық студенттер бар деген ақпаратқа қатысты пікір білдірді. 

«Қытайдың ресми мәліметі бойынша Ухань қаласында карантин жарияланған. Яғни ешкім шықпайды, ешкім кірмейді деген сөз. Сондықтан ол қалада қалған қазақстандық студенттер әзірге елге қайтарылмайды. Сыртқы істер министрлігі, өзге де жауапты органдар жалпы Қытайдағы студенттермен байланыс орнату бойынша жұмыс істеп жатыр. Ондағы студенттер қала тұрғындарымен байланыста болғандықтан, Қазақстанға толық емделгеннен кейін ғана қайтуы керек. Эпидемиологиялық талап осындай. Сондықтан қазір оларды карантиндік аумақтан алып шығару туралы мәселе қаралып жатқан жоқ», – деген Жандарбек Бекшин өзінің басынан да мұндай жағдай өткенін есіне алды.

«Ондай жағдай кезінде жеке өз басымда да болған. Құрылыс жасағында жүргенмін. Біз жұмыс істеп жүрген елді мекенге карантиндік шектеу қойылған еді. Ол кезде африкалық шошқа обасы тараған болатын.  Сондағы студенттермен бірге елді мекеннен шыға алмай қалғанбыз», – деді ол.