Міндетті әлеуметтік медициналық сақтандыруға қатыспаған 3 млн қазақстандықтың шамамен 40%-ы жүйеге қызығушылық танытады. Денсаулық сақтау министрлігі өзгерістер пакетін дайындауда, деп хабарлайды inbusiness.kz.
"Бүгінде 3 млн-нан астам қазақстандық сақтандырылмаған. Халықты көбірек тарту үшін өткен 12 ай үшін төлемей, келесі жылға жарна салып, жыл ішінде қызмет көрсету және алу, оның ішінде қымбат қызметтерді алу мүмкіндігін қарастыратын норманы заңға енгізіп жатырмыз. Біз бұл сақтандырылмаған адамдардың 40%-ын жүйеге тартамыз", – деді Денсаулық сақтау министрі.
Сондай-ақ, оның айтуынша, Денсаулық сақтау министрлігі қазір медициналық қызмет көрсетуді жақсартуға бағытталған өзгерістер пакетін дайындап жатыр.
"Көп адамдар маған хабарласып, ауруханаға ота жасатуға бара жатқанын және ол жерде басқа ауру анықталғанын жазады, ал дәрігер: "Мен емдей алмаймын, өйткені емделмейді" дейді. Осындай мәселелерге жол бермеу үшін енді біз бұл қызметтерді кеңейткіміз келеді", – деген министр бір емнің аясында басқа ауруға қызмет көрсетуге болатынын айтты.
МӘМС бюджетіне тоқталған Денсаулық сақтау бірінші вице-министрі Марат Шоранов жұмыс берушілерден аударымдар 2017 жылы басталып, бірінші кезеңде 230 млрд теңгеден астам сомаға жеткенін айтты. 2020 жылы жинақ 400 млрд теңгені құрады.
"Бүгінде міндетті медициналық сақтандыру пакетіне жыл сайын шамамен 600-700 млрд теңге бөлінеді", – деген ол кіріс жинақталмай, бірден медициналық қызмет көрсетуге бағытталып жатқанын айтты.
Стоматологиялық көмек туралы сұраққа жауап бере отырып, ол МӘМС-ке жеке стоматологтарды тартуға оң баға берді.
"Келесі жылдан бастап емхана арқылы емес, тікелей келісімшартқа көшу жоспарда бар", – деп қосты спикер стоматология туралы айта отырып.
Құралай Құдайберген
