ҚР Экология, геология және табиғи ресурстар министрлігі елорда көшесінде жүрген қабандарға қатысты видеоға түсініктеме берді.
"Қыркүйек айының 20-сынан 21-іне қараған түні Нұр-Сұлтан қаласы, Тұран көшесі бойында таспаға түскен жабайы қабандар фактісі бойынша Ақмола облыстық территориялық инспекциясының инспекторлары табиғатты қорғау полициясымен бірлесе отырып маңайды тору жұмыстарын жасады. Іздеу барысында жабайы қабандар көші анықталмаған",– дейді министрліктен.
Орман шаруашылығы және жануарлар әлемі комитетінің мәліметіне сәйкес, Ақмола облысы төңірегінде 2500-ге жуық жабайы қабан бар. Ведомство олар қала территориясына миграция арқылы өтуі мүмкін дейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
