2024 жылғы 6-13 қазан аралығында Астанада үстел теннисінен XXVII Азия чемпионаты өтеді. Айтулы шара Қазақстан елордасында өткізілетін осындай деңгейдегі алғашқы ірі турнир болады, деп хабарлайды inbusiness.kz сайты.
Үстел теннисінен өтетін Азия чемпионаты – Азияның түкпір-түкпірінен ең мықты спортшылар жиналатын бүкіл құрлықтағы маңызды оқиға. Турнирді Астанада өткізу Қазақстанның халықаралық спорт аренасында артып келе жатқан маңызын және оның үстел теннисін дамытуға деген ұмтылысын көрсетіп отыр.
Чемпионат аясында түрлі санаттағы жарыстар жоспарланған. Бахрейн, Гонконг, Үндістан, Иордания, Иран, Йемен, Катар, Қытай, Қытайлық Тайбэй, КХДР, Қырғызстан, Малайзия, Мальдив, Моңғолия, Непал, Оман, Пәкістан, Сауд Арабиясы, Сингапур, Тайланд, Өзбекстан, Филиппин, Шри-Ланка, Оңтүстік Корея, Жапония және Қазақстанның жетекші спортшылары қатысады деп күтіліп отыр.
Чемпионаттың ашылу салтанатында танымал қазақстандық әнші Мирас Жүгүнісов өнер көрсетіп, көрермендерді өзінің хиттерімен қуантпақ. Бұл мерекелік көңіл-күй сыйлап, іс-шараны барлық қатысушы мен көрермендерге ұмытылмастай етеді.
Бұдан бөлек елордалықтар "Қазына" вокалдық-аспаптық ансамблінің өнерін де тамашалайды.
Айта кететіні, чемпионат Тұран даңғылы, 4/2 мекенжайында орналасқан "Beeline Arena"-да өтеді. Жарыстар күн сайын сағат 10:00-ден 21:00-ге дейін болады. Чемпионатты кез келген адам тамашалай алады.
Іс-шараны ұйымдастырушылар көрермендердің жақсы орындарға ие болып, адамдардың шоғырлануын болдырмас үшін жарыс басталғанға дейін алдын-ала келуге кеңес береді.
Қосымша ақпарат @ttfrk парақшасында көрсетілген.
Чемпионаттың бас серіктестері – "Самұрық-Қазына ҰӘҚ" АҚ және "Sport Qory" туризм және спорт индустриясын қолдау қоры.
Жарыстың бас демеушілері – Qazaq Oil және Beijing Blue Ocean Energy CO., LTD.
Чемпионаттың ресми демеушілері – Halyk Bank, ADD Capital, "Қазақстандағы Қытай кәсіпкерлерінің бас қауымдастығы" ЗТБ, "Матен Петролеум" АҚ, "Хуавей Текнолоджиз Қазақстан" ЖШС, Xiamen Wanli Stone Co., LTD., China Xinxing Group Co., LTD China Hyway Group Limited.
Қазақстан Республикасы Туризм және спорт министрлігіне және Астана қаласының әкімдігіне XXVII Азия чемпионатын ұйымдастыруға көмектескені үшін ерекше алғыс білдіреміз.
