Америкалық Moderna фармацевтикалық компаниясы Pfizer және BioNTech компанияларымен соттасады. Компания оларды COVID-19 дертіне қарсы вакцинаны жасау барысында оның технологиясын қолданды деп айыптады.
"Біз ойлап тапқан аРНҚ инновациялық технологиялық платформасын қорғау үшін Pfizer және BioNTech-ті сотқа бердік. Оны жасауға миллиардтаған доллар жұмсалды, COVID-19 пандемиясының алдында патенттеп үлгерген едік",– деді Moderna басшысы Стефан Бансель.
Оның айтуынша, Biontech және Pfizer Moderna техгологиясын "ұрлап", оны әлі күнге дейін қолданып жүрген көрінеді.
Компания Массачусетс штатындағы АҚШ-тың округтік сотына және Biontech штаб-пәтері орналасқан Германия елінің сотына шағым түсірді.
Moderna басшылығының айтуынша, Biontech және Pfizer вакцинасы Moderna препаратымен бірдей, олардың аРНҚ вакциналары ағзаға бірдей әсер ететін көрінеді.
Табиғат Нұрболат
