Сыбайлас жемқорлыққа қарсы іс-қимыл агенттігінің баспасөз қызметінен мәлім еткендей, Атырау қаласындағы №2 сотында Атырау қалалық білім бөлімінің сектор меңгерушісі М.С. мен басқаларға қатысты үкім шығарылған.
– Ол жергілікті мектептің бірінің уақытша директоры А.Қ. арқылы 3 мұғалімнен сарапшы санатын бекіту үшін жалпы сомасы 150 мың теңге пара алған. Сот үкімімен кінәлі деп танылды. Кінәілерге 1,4 млн теңгеден 4,5 млн теңгеге дейін айыппұл түрінде жаза тағайындалды, – деп хабарлады агенттіктің баспасөз қызметі.
Сотталғандар мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айырылады. Сот актілері заңды күшіне енген жоқ.
– ҚР Қылмыстық кодексінің 41-бабына сәйкес, айыппұл белгіленген мерзімде төленбеген жағдайда жаза шарасы бас бостандығынан айыруға ауыстырылады. ҚР Конституциясының 77-бабы 3-тармағының 1-тармақшасына және Қылмыстық іс жүргізу кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрқайсысы кінәсіз деп есептеледі, – деп мәлім етті агенттіктің баспасөз қызметінен.
