Бұған дейін 18-ді еңсере сала олар кезекке қайта тұрып, армандағы баспана одан бетер алыстай түсетін. Аталмыш норманы алып тастайтын заң жобасын министр Шәпкенов бүгін Сенатқа таныстырып, бірінші оқылымда мақұлдатып алды. Тек мүмкіндігі шектеулі отандастарды толғандыратын түйткілдер мұнымен ғана шектелмейді.
Мүгедек жандарға арналған әлеуметтік порталда кеткен қателіктің кесірінен Қарағанды тұрғыны протезге тапсырыс бере алмай отыр. Азия чемпионатына жолдама алған спортшы осылайша жіпсіз байланған. Дүбірлі додаға қатысуға ниетті азаматтың айтуынша, жаңа жүйе оны бар мүмкіндігінен айырып отыр. Алайда ол қателікті ешкім мойнына алар емес.