Бұл туралы Үкімет отырысында Еңбек және халықты әлеуметтік қорғау министрі Светлана Жақыпова айтты, деп хабарлайды inbusiness.kz тілшісі.
Министр мүгедектігі бар адамдарды жұмысқа орналастыру бағытындағы атқарылып жатқан жұмыстарға тоқталып, 1 қарашадағы мәлімет бойынша мүгедектігі шектеулі азаматтар арасында 148 мың адам немесе еңбекке қабілетті адамдардың 39%-ы жұмыспен қамтылғанын жеткізді. Өңірлер бойынша жұмыспен қамту деңгейі 50%-ға жетпейтінін де атап өтті.
– Кәсіптер бойынша мүгедектігі бар адамдардың 21%-ы – кәсіби мамандар, 19%-ы – біліктілігі жоқ қызметкерлер, 13%-ы – техник-мамандар, 11%-ы – басшылар мен мемлекеттік қызметшілер, қызмет көрсету, сату саласында жұмыс істейтін қызметкерлер, – деді Светлана Жақыпова.
Өз кезегінде ҚР Премьер-министрі Олжас Бектенов аталған мәселеге көңілі толмайтынын ашық айтты.
– Мүгедектерді жұмыспен қамту мәселесі мәз емес. Бұл – өте маңызды мәселе. Бақылауға алу керек, – деді нақтылады Үкімет басшысы.
Еңбек және халықты әлеуметтік қорғау министрінің сөзінше, жұмыспен қамту салалары бойынша ғылыми қызмет (28%), мемлекеттік басқару (12%), білім беру және сауда (9%), денсаулық сақтау (7%) көш бастап тұр.
