Қайғылы хабарды жазушы-журналист, Қазақстан ПЕН клубының президенті Бигелді Ғабдуллин жеткізді, деп жазады inbusiness.kz.
"Қаралы хабар келді. Ұзаққа созылған ауыр науқастан ұлтымыздың мақтанышы, көрнекті ойшыл Мұрат Әуезов жантәсілім етті. Қош бол, қымбатты Мұрат Мұхтарұлы!", – деп жазды ол Facebookпарақшасында.
Мұрат Әуезов 1943 жылғы 1 қаңтарда Жамбыл облысы Меркі ауылында дүниеге келген.
Қазақ әдебиетінің көрнекті жазушысы, драматург, ғалым, қазақтың тұңғыш "Абай жолы" роман-эпопеясының авторы Мұхтар Әуезовтің отбасында туған Мұрат әкесінің өсиеті арқасында туған тіліне, халқына, мәдени мұрасына деген сүйіспеншілік пен құрметті сіңіріп өсті.
1965 жылы М.В. Ломоносов атындағы Мәскеу мемлекеттік университетінің Шығыс тілдері институтын филолог-шығыстанушы мамандығы бойынша бітірді.
Қазақстан өз тәуелсіздігін жариялаған кезде елді өзгертуге белсене қатысты.
Парламент депутаты болды, сонымен қатар әдеби зерттеулермен айналысты, Қазақстан Республикасының Қытай Халық Республикасындағы тұңғыш елшісі қызмет атқарды.
Көркемдік процестің теориясы мен практикасы бойынша 200-ден астам жарияланымның,"Уақыт байланыстырушы – жіп" (1972), "Иппокрена. Уақыт құдықтарына бару" (1997) және "Қайту үшін кету" (2002) сияқты белгілі монографиялардың авторы.
Ол 2007 жылдан бері Мұхтар Әуезов атындағы қорды басқарып келді.
