Айта кетейік, қазір мүгедек балаға күтім жасау кезеңі 16 жас деп белгіленген.
"Бұл норма мүгедек балалардың жас тобының өзгеруіне байланысты енгізіледі. Өзгеріс мүмкіндігі шектеулі балалардың жасына байланысты зейнетақы төлемі мен базалық зейнетақы тағайындау кезінде оң әсерін тигізеді. Жалпы, заң жобасында баяндалған нормалар мүгедектерді әлеуметтік қолдау, атаулы әлеуметтік көмек және зейнетақымен қамсыздандыру мәселелерін қоса алғанда, мемлекет тарапынан базалық әлеуметтік кепілдіктерді қамтамасыз етудің өзекті мәселелерін көрсетеді", – деді Серік Шапкенов.
Министрдің мәлімдеуінше, заң жобасын қабылдау қосымша бюджет қаражатын бөлуді талап етпейді. Шығын нормалары 2021-2023 жылдарға бөлінген қаражат – 55,4 млрд теңге аясында іске асырылады.
Қанат Махамбет
