Эталондық (үлгілі) маркалы мұнайдың әлемдік бағасы сауда-саттықта өсуде. Бұл туралы inbusiness.kz сайты жазады.
"Лондонның ICE биржасында Brent маркалы мұнай фьючерстерінің құны 2,72%-ға өсіп, барреліне 82,22 долларды құрады", - деп хабарлайды 08:37-дегі сауда деректері.
Айта кетейік, WTI маркалы мұнай фьючерстерінің бағасы өткен жылғы наурызда 2,62%-ға өсіп, барреліне 77,06 долларға дейін жетті.
Бұған дейін, Brent маркалы мұнайдың бағасы барреліне 80 доллардан асқан болатын.
Сарапшылардың пікірінше, осы жағдайға өткен аптада 9 миллион баррельден астам төмендеген АҚШ-тағы тауарлық-материалдық құндылықтар туралы жаңалықтар әсер етті. Бұл болжамды 6 есе арттырып, қазан айынан бергі ең төменгі деңгейге жеткізді.
Сонымен қатар, мұнай құнына Қытай да әсер етуі мүмкін. ҚХР Үкіметі екі апта ішінде банктер үшін міндетті резервтер нормасын қысқартатынын мәлімдеді және қосымша қолдау шаралары болуы мүмкін екенін түсіндірді. Сондай-ақ, бұл жағдай ірі шикі мұнай импорттаушысының энергия тұтыну перспективаларына септігін тигізеді.
