Мұнай бағасы дүйсенбіде COVID-19 таралуын тежеу үшін қатаң карантиндік шараларға байланысты Қытайдағы экономикалық белсенділіктің төмендеу аясында құлдырай түсті, деп хабарлайды inbusiness.kz Интерфаксқа сілтеме жасай отырып.
Қытайдың қайта өңдеу өнеркәсібіндегі сатып алу менеджерлерінің индексі (PMI) қазан айында бір ай бұрын 50,1 пункттен 49,2 пунктке дейін шілдеден бастап ең төменгі деңгейге дейін төмендеді, деп ҚХР Мемлекеттік статистикалық басқармасының (МСБ) деректері куәландырады.
Индекстің мәні 50 пункт белгісінен түсіп кетуі сектордағы белсенділіктің төмендеуін көрсетеді.
Қытайдағы қызмет көрсету саласының PMI қазан айында 48,7 пунктке дейін төмендеп, мамырдан бері алғаш рет 50 пунктен түсіп отыр.
Лондондағы ICE Futures биржасында желтоқсандағы Brent мұнай фьючерстерінің құны дүйсенбіде Мәскеу уақытымен 8:15-ке дейін барреліне 95,03 доллар құраы, бұл алдыңғы сессияның жабылу бағасынан 0,74 долларға (0,77%) төмен. Жұма күнгі сауда-саттық қорытындысы бойынша бұл келісімшарттар барреліне 95,77 долларға дейін, яғни 1,19 долларға (1,2%) арзандады.
Желтоқсан фьючерстерінің мерзімі дүйсенбіде нарықтың жабылуымен аяқталады. Неғұрлым белсенді сатылатын қаңтар келісімшарттары барреліне 0,69 долларға (0,74%), 93,08 доллар деңгейіне дейін арзандады.
Нью-Йорк тауар биржасының (NYMEX) электрондық сауда-саттығында WTI мұнай фьючерстерінің желтоқсандағы бағасы осы уақытқа дейін 0,49 долларға (0,56%), барреліне 87,41 долларға дейін төмендеді. Алдыңғы сауда-саттықтың жабылуына қарай бұл келісімшарттардың құны 1,18 долларға (1,3%), барреліне 87,9 долларға дейін төмендеді.
Өткен аптаның қорытындысы бойынша Brent барреліне 2,4%-ға, WTI-3,4%-ға қымбаттады. ОПЕК+ қараша айынан бастап өндірісті тәулігіне 2 миллион баррельге қысқарту туралы шешімге байланысты нарық бір айды шамамен 10% өсіммен аяқтайды.
"ОПЕК+ өндірісті қысқартатындықтан, мұнай бағасы көтерілуі мүмкін, оған қоса 5 желтоқсанда Еуропалық Одақтың Ресей мұнайын сатып алу эмбаргосы күшіне енеді", – деп атап өтті Сингапурдағы Vanir Global Markets басқарушы директоры Джеймс Уистлер.
