/img/tv1.svg
RU KZ
KASE 2 381,23 Hang Seng 27 610,72
FTSE 100 7 475,33 DOW J 29 348,20
РТС 1 539,70 Бидай 560,20
Мұнай өндіру көлемі 2020 жылы 90 миллион тоннаға жетеді

Мұнай өндіру көлемі 2020 жылы 90 миллион тоннаға жетеді

2024 жылы 100 миллион тоннаға дейін өседі. 

12 Қыркүйек 2019 12:30 235

Мұнай өндіру көлемі 2020 жылы 90 миллион тоннаға жетеді

2020 жылы мұнай өндіру көлемі 90 миллион тоннаға жетеді. Бұл туралы парламент мәжілісінде елдің 2020-2024 жылдарға арналған әлеуметтік-экономикалық даму болжамы бойынша баяндаған ҚР Ұлттық экономика вице-министрі Мәди Такиев мәлім етті, деп хабарлайды ҚазАқпарат. 

«Мұнай өндіру көлемі 2020 жылы 90 миллион тоннаға, 2024 жылы 100 миллион тоннаға дейін өседі. Өндірудің өсуі Теңіз, Қарашығанақ, Қашаған кен орындарын кеңейту, сондай-ақ теңіздегі кен орындарын пайдалануға беру есебінен болады», – деді вице-министр.

Оның атап өтуінше, номиналды жалпы ішкі өнім 2020 жылы 75 триллион теңгені, ал 2024 жылы – 106 триллион теңгені құрайды.

«Жан басына шаққандағы жалпы ішкі өнім 2020 жылы 10,5 мың долларды құраса, 2024 жылы ол 14,3 мың долларға дейін ұлғаяды. 2020-2021 жылдары инфляцияның жылдық нысаналы дәлізі 4,0-6,0% деңгейінде сақталды. Ал 2022-2024 жылдары ол дәліз 3,0-5,0% шегінде болады», – деді Мәди Такиев.

inbusiness.kz-ті қараңыз, оқыңыз :

Мұнайдың әлемдік бағасы көтерілді

Brent маркалы мұнайдың бағасы 64,56 долларды құрады. 

15 Ақпан 2019 10:10 0

Мұнайдың әлемдік бағасы көтерілді

Лондон мен Нью-Йорктің шикізат биржаларында бейсенбі күнгі сауда-саттық қорытындысы бойынша мұнай бағасы көтерілді, деп хабарлайды ҚазАқпарат .

Лондондағы ICE Futures биржасында сәуір айында жеткізілетін Brent маркалы мұнайдың фьючерстері 0,96 долларға артып, 64,56 долларды құрады. 

Нью-Йорк тауар биржасында (NYMEX) наурыз айында жеткізілетін WTI маркалы мұнай бағасы 0,51 долларға қымбаттап, бір баррелі 54,41 доллар болды. 

Үнді инвесторлары мұнай барлаумен айналысудан бас тартты

Олар ірі мұнай өндіруші активті сатып алғысы келеді.

13 Ақпан 2019 15:06 375

Үнді инвесторлары мұнай барлаумен айналысудан бас тартты

Үндістандық Oil and Natural Gas Corporation Limited (ONGC) компаниясы Қазақстанда ірі мұнай өндіретін активтерді сатып алуға мүдделі. Бұл туралы энергетика министрі Қанат Бозымбаев мәлімдеді, деп хабарлайды LS.

Бөлім басшысы жақында Үндістаннан оралғанын айтты. Ол үкіметаралық комиссияның құрамында жүріп Қазақстанда өндіріспен айналысқысы келетін бірқатар компаниямен кездесті.

«ONGC компаниясы кез келген ірі мұнай өндіруші активті сатып алуға мүдделі. Біз оларға барлаумен айналысуды ұсындық, бірақ олар тек қана активті сатып алғысы келеді»,– деді Бозымбаев.

Оның айтуынша, Үнді инвесторлары Қазақстан аумағында авациялық жүк хабын құруға да қызығушылық танытып отыр.

«Сондай-ақ мұнда азот тыңайтқыштарын өндіруді бастағысы келетін машина жасау компанияларымен келіссөздер жүргізілді», – деп түйіндеді энергетика министрі.

Oil and Natural Gas Corporation Limited – Үндістанның ең ірі мұнай-газ корпорациясы. Fortune Global 500 рейтингісінде 402-ші орында тұр. Ол үнді шикі мұнайының 77% - ын және табиғи газының 81% - ын өндіреді.

Естеріңізге сала кетейік, 2011 жылы ONGC «Қазмұнайгаздың» Сәтпаев кен орнындағы 25% үлесін сатып алған болатын, 75%-ы ұлттық компанияға тиесілі. Осы кен орнында бірлескен ұңғыма алғаш рет  2015 жылы бұрғыланды. Сол жылы Үнді премьер-министрі Нарендра Моди Назарбаев Университетінде дәріс оқып, елдің Қазақстанның мұнай саласына инвестиция құюға ниетті екенін мәлімдеді. 

Жаңалықтарға жазылу: