Энергетика министрлігі 1 сәуірден бастап елде мұнай өндіруді арттыру жоспарланбағанын, 2020 жылға арналған өндірістік жоспарды ұстанатынын айтты, деп хабарлады "Интерфакс- Қазақстан".
"Мұнай бұрынғы жоспарланған көлемге сай өндіріледі. Өндіруге қатысты қосымша шаралар қарастырылып отырған жоқ", – деді ведомство агенттік сауалына.
Энергетика министрлігінің мәліметі бойынша, 16 наурыздағы жағдай бойынша елдегі орташа мұнай өндіру – тәулігіне 1,886 млн баррель.
ОПЕК-тің қазіргі келісімі ОПЕК-ке кіретін елдерде жалпы мұнай өндіруді 2018 жылдың қазанындағы деңгейден биылғы жылдың бірінші тоқсанының соңына дейін тәулігіне 1,7 млн баррельге дейін төмендетуді қарастырады
Венадан өткен соңғы келіссөздерде келісімге қатысушылар 2020 жылдың 1 сәуірінен кейін мұнай өндіруді шектеу туралы келісімге келген жоқ.
2018 жылдың желтоқсанында қабылданған ОПЕК-тің қолданыстағы келісімі барысында Қазақстанның мұнай өндіру бойынша міндеттемесі тәулігіне 1,843 млн баррель.
