Бұл туралы Экология, геология және табиғи ресурстар вице-министрі Серікқали Брекешев баяндады, деп хабарлайды inbusiness.kz.
"Мұнай, газ және газ конденсатының – 317, қатты пайдалы қазбалардың – 910, кең таралған пайдалы қазбалардың – 3 мыңнан астам және 4 мыңға жуық жерасты суларының кен орны бар", – деді министрдің орынбасары.
Серікқали Брекешевтің айтуынша, А+В+С1+С2 категориялары бойынша мұнайдың баланстық қоры 4,4 млрд, газ конденсатының қоры – 414 млн тоннаны, ал газ қоры – 3,8 трлн текше метрді құрайды. Көрсетілген шикізаттың 75%-ы – Атырау, 11%-ы – Маңғыстау облысында шоғырланған.
"Көмірсутек шикізаты қорының 68%-ы Теңіз, Қашаған және Қарашығанақ кен орындарының үлесінде", – деді вице-министр.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
