Мұрат Әбенов Денсаулық сақтау министрі Ажар Ғинияттің пациенттердің құқықтарын қоғамдық негізде қорғау мәселелері жөнінде штаттан тыс кеңесшісі болды, деп хабарлайды inbusiness.kz министрлікке сілтеме жасап.
Денсаулық сақтау министрі Ажар Ғинияттың белгілі қоғам қайраткері, ҚР Президенті жанындағы Ұлттық қоғамдық сенім кеңесінің мүшесі, тұтынушылардың құқықтарын қорғау коалициясының төрағасы Мұрат Әбеновпен кездесуде медициналық қызмет сапасын талқылаған.
"Кездесуде Мұрат Әбенов МӘМС-тің ақшасы қайда кетіп жатыр деген сұрақ туындамас үшін науқастарға шығарылғаннан кейін көрсетілген қызметтер мен олардың құны көрсетілген тексеру парағын шығаруды ұсынды. Ажар Ғиният Мұрат Әбеновке медициналық көмектің сапасын жақсарту ісіндегі белсенді азаматтық ұстанымы үшін алғысын білдіріп, пациенттердің құқықтарын қоғамдық негізде қорғау мәселелері бойынша штаттан тыс кеңесші болуды ұсынды. Мұрат Әбенов өз кезегінде денсаулық сақтау министрлігі көрсетіп отырған ашықтық пен айқындық саясатын атап өтіп, медициналық көмек тұтынушыларының қанағаттанушылығын арттыру үшін бар күшін салатынына сендірді", – делінген министрлік хабарламасында.
Штаттан тыс кеңесшілікке бекітілген Мұрат Әбенов әлеуметтік желідегі парақшасында қандай бағытта жұмыс атқаратынын жазып өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
