"Геосаяаттың салдарынан біз әлі шешім қабылдаған жоқпыз. Одан ("Сбер" компаниялар тобымен келісімнен – авт.) бас тартамыз ба, әлде басқа технологияға көшеміз бе?... Бірақ платформаға көшеміз. Алайда олармен бе (Сбер – авт.), әлде... Өзіміз жасауымыз ықтимал. Себебі бір жылдың ішінде сараптама жұмыстарын жүргіздік. Өзіміз де жасап шығуымыз ықтимал. Өйткені оған қаражат керек. Талқылап жатырмыз. Сіздерге бір айдың ішінде толық ақпарат беремін", – деді Бағдат Мусин Мәжіліс кулуарында журналистерге.
Мусин "Сбер" компаниялар тобы платформаны аз уақытта жасап шығу үшін таңдалғанын, асықпайтын болсақ алдағы үш-бес жылда өзіміз де жасай алатынымызды алға тартты.
Еске сала кетсек, ресейлік Сбермен Қазақстанның цифрлық трансформациясы жөнінде келісімге қол қою күн тәртібінде тұрмағаны бұған дейін хабарланған болатын.
Тасқын Болатұлы
